OMG! / 10 બાળકો પેદા કરનાર માતાને મળશે ભારે ભરકમ રકમનું ઈનામ, વસ્તી ઘટી જતાં આ દેશે લીધો નિર્ણય

• રશિયાના રાષ્ટ્રપતિ વ્લાદિમીર પુતિનનો વસ્તીવધારા માટે નિર્યણ
• 10 કે તેથી વધુ બાળક પેદા કરવા પર મળશે પુરસ્કાર 
• એક મિલિયન રુબેલ્સ સાથે 'મધર હેરોઈન' એવોર્ડથી સન્માનિત

રશિયાના રાષ્ટ્રપતિ વ્લાદિમીર પુતિને 10 કે તેથી વધુ બાળકો ધરાવતી મહિલાઓનું સન્માન કરવાનો નિર્ણય લીધો છે. 10 કે તેથી વધુ બાળકોને જન્મ આપનાર મહિલાને 'મધર હેરોઈન' એવોર્ડથી સન્માનિત કરવામાં આવશે. રુસો-યુક્રેન યુદ્ધની વચ્ચે ઝડપથી ઘટી રહેલી વસ્તીને ધ્યાનમાં રાખીને આ નિર્ણય લેવામાં આવ્યો છે.

એક મિલિયન રુબેલ્સ અને પુરસ્કાર
મીડિયા રિપોર્ટ્સ અનુસાર, આ પુરસ્કાર સાથે માતાઓને 16,138 ડોલર એટલે કે એક મિલિયન રુબેલ્સ આપવામાં આવશે. 10 કે તેથી વધુ બાળકો પેદા કરતી માતા રશિયન ફેડરેશનની નાગરિક હોવી આવશ્યક છે. જે માતાઓનું 10મું બાળક એક વર્ષની વય પૂર્ણ કરશે તે પણ આ એવોર્ડ માટે પાત્ર ગણાશે. આ સિવાય જો કોઈ માતા યુદ્ધ, આતંકવાદી હુમલા કે કોઈ ઈમરજન્સીમાં પોતાનું બાળક ગુમાવે છે તો તે પણ આ એવોર્ડની હકદાર બનશે.

'મધર હિરોઈન' એવોર્ડ ક્યારે અને શા માટે શરૂ થયો
હકીકતમાં "મધર હીરોઈન" એવોર્ડની શરૂઆત સૌપ્રથમ 1944માં ભૂતપૂર્વ સોવિયેત નેતા જોસેફ સ્ટાલિન દ્વારા કરવામાં આવી હતી. બીજા વિશ્વયુદ્ધ દરમિયાન મોટી વસ્તીની જાનહાનિને કારણે તેની જાહેરાત કરવામાં આવી હતી. જો કે 1991 માં સોવિયત સંઘના પતન સાથે આ માતાઓને એવોર્ડ આપવાનું બંધ થઈ ગયું.

રશિયાના ચિલ્ડ્રન્સ ડે પર સૂચન 
મધર હીરોઈન એવોર્ડને 'રશિયાનો હીરો' અને 'હીરો ઑફ લેબર' જેવા ખિતાબ તરીકે પ્રતિષ્ઠિત ગણવામાં આવે છે. 1 જૂનના રોજ રશિયાના ચિલ્ડ્રન્સ ડેની ઉજવણીના એક દિવસ પહેલા, પુતિને મૂળ રીતે મધર હીરોઈનના બિરુદની જાહેરાત કરવાનું સૂચન કર્યું હતું.

રશિયાની વસ્તીમાં ઘટાડો
તમને જણાવી દઈએ કે તાજેતરના દાયકાઓમાં રશિયાની વસ્તીમાં સતત ઘટાડો જોવા મળી રહ્યો છે. 2022 ની શરૂઆતમાં 400,000 ના ઘટાડા પછી અહીંની કુલ વસ્તી ઘટીને 145.1 મિલિયન થઈ ગઈ. આ કારણોસર ફરી એકવાર વસ્તી વધારવા માટે રશિયાના રાષ્ટ્રપતિ પુતિને 'મધર હિરોઈન' એવોર્ડની શરૂઆત કરી છે. જેથી કરીને મહિલાઓ વધુને વધુ બાળકો પેદા કરવા પ્રેરિત થઈ શકે.