લદ્દાખના ગલવાનમાં ભારતીય અને ચીની સૈનિકો વચ્ચે થયેલી હિંસક અથડામણમાં 20 ભારતીય જવાનો શહીદ થયા હતા. જો કે, ત્યારબાદ ચીની વસ્તુઓ અને ચીની એપ્સને લઇને ભારતમાં લોક જુવાળ જોવા મળ્યો. જો કે, ભારત સરકારે સુરક્ષાના કારણો દર્શાવીને ચીનની 59 એપ્સ પર પ્રતિબંધ લાદ્યો છે. તો વળી ચાઇનીઝ ભાષાના ઉપયોગને લઇને પણ તાજેતરમાં મહત્વનો નિર્ણય લીધો છે. ત્યારે હવે ચીની મોબાઇલ કંપની VIVO IPLની સ્પોન્સર નહીં હોય.
ચીની મોબાઇલ કંપની VIVO નહીં હોય IPLની સ્પોન્સર
સતત થઇ રહેલા વિરોધ બાદ લેવાયો નિર્ણય
2021થી 2023 સુધી VIVO ફરી સ્પોન્સર રહેશે
ઉલ્લેખનીય છે કે, સતત થઇ રહેલા વિરોધ બાદ નિર્ણય લેવાયો છે કે VIVOને આઇપીલની સ્પોન્સરશીપમાંથી પડતી મૂકવામાં આવશે. જો કે 2021થી 2023 સુધી VIVO ફરી સ્પોન્સર રહેશે. ત્યારે આ વર્ષે IPLને નવો સ્પોન્સર મળશે.
VIVOની સ્પોન્સરશિપ પડતી મુકવાનો લેવાયો નિર્ણય
નોંધનીય છે કે, જૂનમાં પૂર્વી લદ્દાખમાં ભારત અને ચીનના સૈનિકો વચ્ચે ઘર્ષણ થયું હતું. અને ત્યારથી જ ચીની વસ્તુઓનો બહિષ્કાર શરૂ થઇ ગયો છે. ત્યારે IPLની સ્પોન્સરશિપને લઇને પણ વિરોધ થયો હતો. અને સોશિયલ મીડિયામાં લોકોએ રોષ વ્યક્ત કર્યો હતો. જેને લઇ BCCIએ કરારની સમીક્ષા કરવાની સાથે VIVOની સ્પોન્સરશિપ પડતી મુકવાનો નિર્ણય કર્યો છે.
IPL આયોજન માટે વીવો આઇપીએલને આપે છે 440 કરોડ
આપને જણાવી દઈએ કે આઈપીએલ ટાઇટલના આયોજન માટે વિવો દર વર્ષે બીસીસીઆઈને રૂ 440 કરોડ આપે છે અને આ પાંચ વર્ષિય કરાર 2022 માં સમાપ્ત થશે. આઈપીએલ 2020 19 સપ્ટેમ્બરથી દુબઇમાં શરૂ થશે. તેનું આઈપીએલની 13 મી સીઝનનું શેડ્યૂલ ટૂંક સમયમાં જાહેર થવા જઈ રહ્યું છે.
IPL 2020 19 સપ્ટેમ્બરથી UAEમાં શરૂ થશે
કોરોના મહામારી વચ્ચે ક્રિકેટ રસિકો માટે સારા સમાચાર છે. IPL 2020ને કેન્દ્ર સરકારની લીલીઝંડી મળી ગઇ છે. IPL 2020 19 સપ્ટેમ્બરથી UAEમાં શરૂ થશે. 50થી વધુ દિવસ IPL ચાલશે. અને 10 નવેમ્બરે IPL 2020ની ફાઇનલ મેચ યોજાશે.
આ સિવાય BCCIએ સ્પષ્ટ કર્યું છે કે મહિલાઓની IPL પણ રમાશે. IPLના તમામ પ્રાયોજકો અકબંધ છે, જેનો મતલબ છે કે IPLના મુખ્ય પ્રાયોજકના રૂપમાં ચીની સ્પૉન્સર વીવી યથાવત્ રહેશે.