ચીનની સ્માર્ટફોન નિર્માતા કંપની VIVO એ ભારતમાં પોતાનો એક નવો સ્માર્ટફોન VIVO Y90 લૉન્ચ કર્યો છે. આ ફોનને પહેલા પાકિસ્તાનમાં લૉન્ચ કરવામાં આવ્યો હતો. VIVO નું Y90 એક બજેટ એન્ટ્રી લેવલ સ્માર્ટફોન છે. એમાં વોટરડ્રોપ નૉચ ડિસ્પ્લે આપવામાં આવી છે.
જણાવી દઇએ કે જુલાઇ મહિનામાં ભારતીય બજારમાં લૉન્ચ થનાર આ વીવોનો બીજો ફોન છે. આ પહેલા કંપનીએ VIVO Z1 પ્રો લૉન્ચ કર્યો હતો.
ભારતીય માર્કેટમાં VIVO Y90 ની કિંમત 6990 રૂપિયા છે અને આ ફોન બ્લેક અને ગોલ્ડ કલર વેરિયન્ટમાં મળશે. ફોનનું વેંચાણ ભારતમાં ઑનલાઇન અને ઑફલાઇન સ્ટોરથી 27 જુલાઇતી થશે. કંપનીનું કહેવું છે કે Vivo Y90 વાય સીરિઝનો સૌથી સસ્તો ફોન છે જેમાં ફેસ અનલૉક આપવામાં આવ્યો છે.
ફોનમાં ડુઅલ સિમ સપોર્ટની સાથે એન્ડ્રોઇડ ઓરિયો 8.1 આધારિત ફનટચ ઓએસ 4.5 આપવામાં આવ્યું છે. આ ઉપરાંક એમાં 6.22 ઇંચની એચડી પ્લસ ડિસપ્લે છે જેનું રિઝોલ્યૂશન 720x1520 પિક્સલ છે. આ ફોનમાં મીડિયાટેકનો ક્વૉડકોર હીલિયો A22 પ્રોસેસર, 2GB રેમ અને 16gb નું સ્ટોરેજ છે. જેને મેમરી કાર્ડની મદદથી 256 જીબી સુધી વધારી શકાય છે.
આ ફોનમાં 8 મેગાપિક્સલનો રિયર કેમેરો છે. જેનું અપર્ચર f/2.0 છે. રિયર કેમેરાની સાથે એલઇડી ફ્લેશ લાઇટ છે. ફોનમાં 5 મેગાપિક્સલનો ફ્રંટ કેમેરો છે. ફ્રંટ કેમેરાની સાથે સ્ક્રીન ફ્લેશ લાઇટ મળશે. આ ફોનમાં 4030mAh ની બેટરી છે અને કનેક્ટિવિટી માટે એમાં એફએમ રેડિયો, બ્લૂટૂથ 5.0, 4G LTE સપોર્ટ, 3.5mm નો હેડફોન જેક અને જીપીએસનો સપોર્ટ છે.