IPLIN
 

પ્રતિક્રિયા / ઐશ્વર્યાની તસવીરની ટ્વિટ મામલે વિવેક ઑબેરોયનો જવાબ, કહ્યું 'મેં કંઈ ખોટું કર્યુ જ નથી તો માફી શેની?'

Team VTV 11:12 PM, 20 May 19 | Updated: 11:14 PM, 20 May 19
Follow us
Vivek Oberoi response to Aishwarya tweet meme

સલમાન ખાન, એશ્વર્યા રાય, અભિષેક બચ્ચન અને આરાધ્યા બચ્ચનનો ફોટાના ઉપયોગ કરીને બનાવવામાં આવેલ મીમને શેર કર્યા બાદ વિવાદ વધતા વિવેક ઓબેરોયનું નિવેદન સામે આવ્યું છે.

વિવેક ઓબેરોય દ્વારા એક મીમ ટ્વિટ કરવામાં આવ્યું હતું. જેમાં સલમાનની સાથે ફોટામાં ઓપીનિયન પોલ, વિવેક સાથેના ફોટામાં એક્ઝિટ બોલ અને અભિષેક વાળા ફોટામાં રિઝલ્ટ લખ્યું હતું. આ ફોટાને એને એના હલકા મૂડમાં શેર કર્યો. પરંતુ સોશિયલ મીડિયા યૂઝર્સ એની પર અલગ અલગ કમેન્ટ્સ કરવામાં આવી હતી. ત્યાર બાદ રાજકીય નેતાઓએ પણ પ્રતિક્રિયા આપી હતી. આ મામલે મહિલા આયોગની નોટિસ મળી છે.

વિવેક ઓબેરોયે સ્પષ્ટતા કરતા શું કહ્યું ?
પીએમ મોદીની બાયોપિક ફિલ્મમાં લીડ રોલ પ્લે કરી રહેલ એક્ટર વિવેક ઓબેરોયે કહ્યું કે જો કોઇ તેમની ભૂલને સાબિત કરી તે તો તે માફી માંગવા માટે તૈયાર છે.

મામલો ગરમાતા વિવેક ઓબેરોયે કહ્યું કે, જો મેં કંઇ ખોટું કર્યું છે તો હું માફી માંગી લેત પરંતુ મને નથી લાગતુ મેં કંઇ ખોટું કર્યું છે. આમાં ખોટું છે શું? કોઇએ એક મીમ ટ્વીટ કર્યું અને હું તેના પર હંસી પડ્યો. બોલિવુડ અભિનેતાએ વધુમાં કહ્યું કે, મને નથી લાગતું કે લોકો આટલો મોટો મુદ્દો શા માટે બનાવી રહ્યા છે. કોઇએ મને એક મીમ મોકલ્યું હતું. હું હંસ્યો અને તે વ્યક્તિની રચનાત્મકતાના વખાણ કર્યા. જો કોઇ તમારા પર હંસે છે તો તમારે તેને ગંભીરતાથી ન લેવું જોઇએ.

વિવેક ઓબેરોયે કહ્યું કે, મેં આ બધુ કાંઇ પબ્લિસિટી માટે નથી કર્યું. આપણા સૌનો ભૂતકાળ હોય છે. જેમાં મોટી વાત શું છે. શું તમે તમારા અતિત વિશે વાત કરો છો તો તમે અપમાનિત અનુભવો છો? તે મીમ બનાવવા માટે લોકોની ધરપકડ કરશો? મારે મહિલા આયોગ સાથે આના પર વાત કરવી છે.

કહ્યું- જો મીમમાં મને કોઇ તકલીફ નથી
બોલિવુડની કેટલીક હસ્તિઓએ પણ વિવેક ઓબેરોયના આ ટ્વીટ પર આપત્તી જણાવી છે. જે મામલે ઓબેરોયએ કહ્યું કે જે મીમમાં મને કોઇ સમસ્યા નથી તો બીજાને કેમ છે. તેમણે આલોચકોને જવાબ આપતા કહ્યું કે કામ કરવા જતા નથી અને કારણ વગર આ મુદ્દા પર નેતાગીરી શરૂ કરી દે છે.
 

વિવેક ઑબેરોયને મળી નોટિસ
આ મામલો આગળ વધતાં મહિલા પંચે વિવેક ઑબેરોયને નોટિસ પણ ફટકારી હતી અને કહ્યું હતું કે તમે એક સગીર બાળકીની તસવીર શેર કરી છે. આ ઉપરાંત તમે ઍક્ઝિટ પોલ અને એક મહિલાની પર્સનલ લાઈફને ખૂબ જ ખરાબ રીતે તુલના કરી છે. આ પોસ્ટ મહિલાઓની પ્રત્યે અપમાન દર્શાવે છે અને આ બાબતે તમારા પાસેથી સ્પષ્ટીકરણ માંગવામાં આવે છે. 

જ્યારે બીજી બાજુ મહારાષ્ટ્રમાં NCP પાર્ટી તરફથી પણ આ મુદ્દે પ્રતિક્રિયા આવી હતી અને કહ્યું હતું કે વિવેક ઑબેરોયની ધરપકડ થવી જોઈએ. 

Vivek Oberoi Aishwarya tweet
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ