IPLIN
 

PM મોદીનું પાત્ર ભજવશે વિવેક ઓબેરોય 23 ભાષાઓમાં ફિલ્મ CM ફડણવીસે લોન્ચ કર્યું પોસ્ટર

Team VTV 09:35 PM, 07 Jan 19 | Updated: 07:12 PM, 30 Mar 19
Follow us
vivek-oberoi-plays-the-character-of-pm-modi-cm-fadnavis-launches-poster
નવી દિલ્હીઃ પૂર્વ પ્રધાનમંત્રી મનમોહનસિંહ પર બનેલી ફિલ્મ ધ એક્સિડેન્ટલ પ્રાઈમ મિનિસ્ટરનું ટ્રેલર રિલીઝ થયું હતું. બાદમાં મોટો વિવાદ થયો હતો. આ ફિલ્મમાં અનુપમ ખેર મનમોહનસીંહના રોલમાં છે. હવે આ ફિલ્મનો વિવાદ હજુ સમ્યો નથી ત્યારે હવે પ્રધાનમંત્રી નરેન્દ્ર મોદી પર બનનારી ફિલ્મનો પહેલો લૂક જાહેર કરાયો છે. આ ફિલ્મમાં નરેન્દ્ર મોદીનું પાત્ર વિવેક ઓબેરોય નિભાવવાના છે. આ ફિલ્મના પોસ્ટરમાં ભારતીય ત્રિરંગાને બતાવ્યો છે અને સ્લોગન લખ્યુ છે કે દેશની ભક્તિ જ મારી શક્તિ છે.

મહારાષ્ટ્રના મુખ્યમંત્રી દેવેન્દ્ર ફડણવીસે આ ફિલ્મનું પોસ્ટર લોન્ચ કર્યું છે. આ દરમિયાન એક્ટર વિવેક ઓબેરોય પણ હાજર રહ્યા છે. આ પોસ્ટરની સાથે જ ફિલ્મમાં વિવેક ઓબેરોડના લુકનું પણ અનાવરણ થયુ છે. પોસ્ટરમાં વિવેક મોદી જેવા જ દેખાઇ રહ્યા છે. ફિલ્મ પર છેલ્લા 2 વર્ષથી કામ ચાલી રહ્યું હતું અને હવે જઇને મેકર્સે આ પહેલા પોસ્ટર લોન્ચ કર્યું છે. પોસ્ટર લોન્ચ બાદ હવે ફેન્સને આનું ટીઝર અને ટ્રેલર વીડિયોની રાહ છે.
  ફિલ્મનું પોસ્ટર 23 ભાષાઓમાં લોન્ચ કરવામાં આવ્યું છે અને ફિલ્મને પણ આટલી જ ભાષાઓમાં રિલીઝ કરવાના સમાચાર છે. ફિલ્મના નિર્દેશક ઓમંગ કુમાર છે.
  ઓમંગ કુમારે આ પહેલા મૈરી કોમ અને સરબજીત જેવી બાયોપિક ફિલ્મો બનાવી છે. આ ફિલ્મો બોક્સ ઓફિસ પર સારૂ પરફોર્મન્સ કરવામાં સફળ રહી છે.

વિવેક ઓબેરોયે આ ફિલ્મનું પોસ્ટ ટ્વીટ કરતા કેપ્શનમાં લખ્યું કે અમે આ અદભૂત સફર માટે પોતાની પ્રાર્થનાઓ અને આશિર્વાદની કામનાઓ કરીએ છીએ.

ઓમંગ કુમારના નિર્દેશન અને સુરેશ ઓબેરોય અને સંદીપ સિંહના પ્રોડક્શનમાં બની રહેલ આ ફિલ્મ ટૂંક સમયમાં જ સિનેમાઘરોમાં રિલીઝ થશે.

ધ ઇન્ડિયન એક્સપ્રેસના આ રિપોર્ટ અનુસાર મેકર્સ આ પ્રોજેક્ટ પર છેલ્લા 2 વર્ષથી કામ કરી રહ્યા હતા. ઘણા સમય સુધી વાતો થઇ રહી હતી કે પરેશ રાવલ આ ફિલ્મમાં પ્રધાનમંત્રી મોદીનો રોલ નિભાવતા નજરે આવશે. પરંતુ આ ફિલ્મમાં મોદીનું પાત્ર વિવેક ઓબેરોય ભજવી રહ્યા છે.
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ