ક્રિકેટ / આ બૉલીવુડ અભિનેતાએ ટીમ ઈન્ડિયાના ખેલાડીઓ સાથે કર્યો બ્રેકફસ્ટ, તસવીર વાયરલ

• ક્રિકેટર સાથેની દુબઈ એરપોર્ટની મુલાકાતની તસવીર બની વાયરલ
• વિવેક ઓબેરોયે જસપ્રીત અને ચેતેશ્વર પાસેથી ઓસ્ટ્રેલિયાની જીતનાં કિસ્સા સાંભળ્યા
• સોશિયલ મીડિયા પર ફોટો શેર કરી વિવેકે કેપ્શનમાં ઈન્ડિયન ટીમનાં વખાણ કર્યા

ભારતે ગાબામાં રમાયેલી ચોથી ટેસ્ટ મેચમાં ઓસ્ટ્રેલિયાને 3 વિકેટથી હરાવીને સિરીઝ પોતાને નામે કરી હતી. જે રોમાંચક જીત બાદ ક્રિકેટ ચાહકોએ ભારતીય ટીમને વધાવી લીધી હતી. ભારતીય ટીમનાં વિજયમાં રિષભ પંત ઉપરાંત જસપ્રીત બુમરાહ અને ચેતેશ્વર પુજારાનો પણ ખૂબ મહત્વનો ભાગ રહ્યો હતો.

વિવેક ઓબેરોયે સોશિયલ મીડિયા પર ક્રિકેટર સાથેની ફોટો શેર કરી
ઈન્ડિયન ક્રિકેટ ટીમ ઓસ્ટ્રેલિયામાં ઐતિહાસિક જીત મેળવીને ભારત પરત ફરી રહી હતી ત્યારે અમુક પ્લેયર્સ દુબઈથી ઇન્ડિયા આવી રહ્યાં હતા. ત્યારે બોલિવૂડ એક્ટર વિવેક ઓબેરોય દુબઈ એરપોર્ટ પર ક્રિકેટર ચેતેશ્વર પુજારા અને જસપ્રીત બુમરાહ સાથે જોવા મળ્યો હતો. વિવેકે તે મુલાકાતની તસવીર તેનાં પ્રશંસકો માટે સોશિયલ મીડિયા પર શેર કરી હતી. જે તસવીર પર વિવેક કેપ્શન લખ્યું હતું કે, "ચેમ્પિયન્સ કે સાથ નાશ્તા, દુબઈ એરપોર્ટ પર જસ્પ્રીત બુમરાહ ઔર ચેતેશ્વર પુજારાકે સાથ સમય બિતાના કિતના શાનદાર અનુભવ રહા. વ્યક્તિગત રૃપ સે ઐતિહાસિક ટેસ્ટ કે અનુભવો કે બારેમેં સુનના કાફી અચ્છા રહા. આપ લોગ રાષ્ટ્ર કો ગર્વ કરાના જારી રખે." 

ઓસ્ટ્રેલિયન કોચે કહ્યું ક્યારેય ઈન્ડિયન ટીમને ઓછી ના આંકવી જોઈએ
બ્રિસ્બેનમાં ઓસ્ટ્રેલિયાની વિરુદ્ધ ચોથી ટેસ્ટમાં ટીમ ઇન્ડિયાની શાનદાર જીતે વિશ્વભરમાં લોકોનું દિલ જીત્યું છે. ભારતીય ટીમે આ વિજય વિરાટ કોહલી વગર અજિંક્ય રહાણેનાં નેતૃત્વમાં મેળવ્યો હતો. પંતની ધમાકેદાર ઈનિંગને લીધે 32 વર્ષ બાદ ગાબામાં ઓસ્ટ્રેલિયાની ટીમ કોઈ મેચ હારી છે. આ હારથી ઓસ્ટ્રેલિયાનો કોચ જસ્ટિન લેંગર ખૂબ નિરાશ થયો હતો. જ્યારે કારમી હાર બાદ તેણે ટીમ ઈન્ડિયા વિશે કહ્યું કે ક્યારેય ટીમ ઈન્ડિયાને ઓછી ના આંકવી જોઈએ.