ફિલ્મો ના હોવા છતાં અબજોપતિ જેવી છે વિવેકની લાઇફસ્ટાઇલ દર વર્ષે કરોડોનું કરે છે દાન

આજે વિવેક ઓબરૉયનો જન્મદિવસ છે તે એક્ટર સુરેશ ઓબરૉયનો દિકરો છે. વિવેકની પહેલી ફિલ્મ રામગોપાલ વર્માના ડિરેક્શનમાં બનેલી 'કંપની' હતી આ ફિલ્મના ઘણા વખાણ થયા હતા અને વિવેકને આ ફિલ્મ માટે 'ફિલ્મફેર' બેસ્ટ ડેબ્યુ એવોર્ડ પણ મળ્યો હતો. 

વિવેકના 15 વર્ષના ફિલ્મી કરિયરમાં ગણતરીની જ હિટ ફિલ્મો આપી. જેમાં 'સાથિયા' 'મસ્તી' 'યુવા' 'શૂટઆઉટ એટ લોખંડવાલા' તેમાની ફિલ્મો છે. 2016માં રિલીઝ થયેલી ફિલ્મ 'બેંકચોર'માં તે જોવા મળ્યો ત્યારબાદ તે સાઉથની ફિલ્મ ઇન્ડસ્ટ્રીમાં પણ એક્ટિવ છે. વિવેક એક ફિલ્મ માટે 3-4 કરોડ રૂપિયાની ફી વસૂલે છે. 

ફિલ્મો સિવાય વિવેકનું પોતાનું એક પ્રોડક્શન હાઉસ છે તેની પોતાની એક કંસ્ટ્રક્શન કંપની પણ છે. તેણે એક સ્ટાર્ટ અપમાં પણ રોકાણ કર્યુ છે. તેમાંથી મોટાભાગના હેલ્થ અને એજ્યુકેશનને લગતા છે. રિપોર્ટ્સ અનુસાર વિવેક ઓબરોય પાસે લગભગ 1 કરોડ ડૉલર એટલે કે લગભગ 1 અબજ રૂપિયા સંપત્તિ છે. 

વિવેક સોશ્યલી પણ ઘણો એક્ટિવ છે. તે અવારનવરા જરૂયિતમંદ લોકોની મદદ કરતો રહે છે. કર્મ ઇન્ફ્રાસ્ટ્રકચર પ્રાઇવેટ લિમિટેડ નામની તેની કંપનીએ મહારાષ્ટ્રમાં હાઉસિંગ પ્રોજેક્ટ લોન્ચ કર્યો છે. જેમાં 15000થી વધારે પરિવારોને 8 લાખની કિંમતમાં ઘર આપવાના હતા. 2017માં વિવકે છત્તીસગઢના સુકમામાં શહિદ થયેલા જવાનોના પરિવારોને 25 ફ્લેટ્સ આપવાની જાહેરાત કરી હતી. 

વિવકે ઘણી વખત લોકોની મદદ માટે આગળ આવ્યો છે કેન્સરના દર્દીઓ સુનામી પીડિતો અને બેઘર મહિલાઓની મદદ પણ તે કરી ચૂક્યો છે. તે પ્રાણીઓ માટે કામ કરનારી સંખ્યા PETA સાથે પણ જોડાયેલો છે.