ભારતીય ફિલ્મ ઘરોમા હાલમા ટોયલેટ એક પ્રેમકથાએ ધુમ મચાવી છે. ત્યારે બોલિવૂડ તેમજ સાઉથ ફિલ્મ ઈન્ડસ્ટ્રીમાં સુપર સ્ટાર અજીત કુમારની તામિલ “vivegam” ફિલ્મ રેકોર્ડ બ્રેક કમાણી કરી ફિલ્મ બાહુબલી-2નો રેકોર્ડ તોડ્યો હતો. અજીત કુમારની તામિલ ફિલ્મ 'વિવેગમે' રિલીઝના થોડા જ દિવસોમાં કરોડોની કમાણી કરી લીધી છે. ચેન્નઈ બોક્સ ઓફિસ પર આ ફિલ્મ હાલ છવાયેલી છે. આ ફિલ્મની આટલી બધી કમાણીએ બાહુબલી-2 ફિલ્મને માત આપી કમાણી કરવામા પાછળ રાખી દીધી છે.
ચેન્નઈ બોક્સ ઓફિસ પર “vivegam” ફિલ્મની શનિવાર સુધીની કમાણી 67.92 કરોડ થઈ છેતેના રિલીઝ પછીના પ્રથમ સપ્તાહમાં 5.75 કરોડની આવક ફિલ્મને થઈ હતી. આ ફિલ્મ ખાસ કરીને બ્લોક બાસ્ટર સાબિત થઇ છે કારણ કે ફિલ્મનું ઓપનિંગ કલેકશન જ 25.83 કરોડ જેટલું થવા જાય છે. ઓવરસીઝ માર્કેટમાં આ ફિલ્મે 3 દિવસમાં 18 કરોડની કમાણી કરી છે. આમ ઓવરસીઝમાં કુલ મળીને તેણે 68 કરોડની કમાણી કરી હતી
ઉલ્લેખનીય છે કે બાહુબલી-2એરીલીઝ થયાના ત્રણ દિવસમાં 3.24 કરોડની કમાણી કરી હતી જ્યારે “vivegam”ને 3 દિવસમાં 4.28 કરોડની આવક કરી છે. મહત્વપૂર્ણ વાત એછે કે “vivegam” તામિલ સિનેમાની પહેલી ઈન્ટરનેશનલ સ્પાઈ થ્રિલરફિલ્મછે.
આ ફિલ્મમાં સુપરસ્ટાર અજીત ઈન્ટેલિજન્સ ઓફિસરનો રોલ ભજવી રહ્યો છેજ્યારે વિવેક ઓબેરોય વિલનની ભૂમિકામાં છે. અજીત સાથે તેમાં અક્ષરા હસન અને કાજલ અગ્રાવત પણ છે. આ ફિલ્મના ટ્રેલરને પણ કરોડો લોકોએ પસંદ કર્યુ છે.