વરણી / ક્રેડાઈ અમદાવાદ-ગાહેડના નવા હોદ્દેદારોની નિમણૂક, વિવાન ગ્રુપના તેજસ જોષી બન્યા પ્રેસિડેન્ટ

• ક્રેડાઇ અમદાવાદ ગાહેડના હોદ્દેદારોની નિમણૂંક
• 2021 થી 2023 ટર્મ માટે કરાઇ સર્વાનુમતે વરણી
• તેજસ જોષી (વિવાન ગ્રુપ) બન્યા પ્રેસિડન્ટ
• વિરલ શાહ (સન બિલ્ડકોન) બન્યા સેક્રેટરી

ગુજરાતમાં રિયલ એસ્ટેટ ઉદ્યોગના હિતોનું પ્રતિનિધિત્વ કરતી ક્રેડાઇ અમદાવાદ ગાહેડમાં હોદ્દેદારોની નિમણૂંક કરવામાં આવી છે. આગામી વર્ષ 2021 થી 2023 ટર્મ માટે એટલે કે 2 વર્ષ માટે સર્વાનુમતે પ્રમુખ ઉપપ્રમુખ સેક્રેટરી સહ માનદ મંત્રી અને માનદ કોષાધ્યક્ષની વરણી કરવામાં આવી છે. જેમાં સૌના સહયોગ સાથે તેજસ જોષી (વિવાન ગ્રુપ)ને પ્રેસિડન્ટ તરીકે પસંદ કરવામાં આવ્યા છે તો વિરલ શાહ (સન બિલ્ડકોન) પર  સેક્રેટરી તરીકેની પસંદગી ઉતારવામાં આવી છે. 

ક્રેડાઇ અમદાવાદ ગાહેડમાં હોદ્દેદારોની નિમણૂંક પર નજર

• તેજસ સી. જોષી (વિવાન ગ્રુપ)- પ્રેસિડેન્ટ
• વિરલ જે. શાહ (સન બિલ્ડકોન)-ઓન. સેક્રેટરી
• ચિત્રક શાહ (શિવાલીક ગ્રુપ)- ઉપપ્રમુખ
• ધ્રુવ પટેલ (અમી ઈન્ફ્રાસ્ટ્રક્ચર)-ઉપપ્રમુખ
• આલાપ પટેલ ( મૌલિક  ઈન્ફ્રાબિલ્ડ)-ઉપપ્રમુખ
• સંદીપ પટેલ (અવિરત ગ્રુપ) -ઉપપ્રમુખ
• સંકેત શાહ ( પ્રેરણા ઈન્ફ્રાબિલ્ડ)-ઉપપ્રમુખ
• અમરીશ પટેલ (બાલેશ્વર કોર્પોરેશન)-સહ માનદ મંત્રી
• નિલય પટેલ (દીપ બિલ્ડર્સ)-સહ માનદ મંત્રી
• યશ બ્રહ્મભટ્ટ (શિલ્પ ગ્રુપ)- માનદ કોષાધ્યક્ષ
• શર્વિલ શ્રીધર ( શ્રીધર કન્સ્ટ્રકશન)- સહ માનદ કોષાધ્યક્ષ
• અંકુર દેસાઇ (સાન્વી નિર્માણ)- સહ માનદ કોષાધ્યક્ષ
• ચિન્મય શાહ- યૂથ વિંગ ચેરમેન
• દેવલ સોપારકર-વુમનવિંગ ચેરમેન

ગુજરાતમાં રિયલ એસ્ટેટ ઉદ્યોગમાં જાણીતા એવા ઉપરોક્ત તમામ ચહેરાઓ ક્રેડાઇ અમદાવાદ ગાહેડના હોદ્દેદારો તરીકે પસંદ પામ્યા છે. 2 વર્ષના સમયગાળામાં આ માળખું અમદાવાદ સહિત ગુજરાતમાં નવી ઉચાઈઓ સર કરશે તેવું સ્પષ્ટ દેખાય રહ્યું છે. ક્રેડાઇ અમદાવાદ ગાહેડનું આ માળખું એક મજબૂત અવાજ છે જે આગામી સમયમાં ડેવલપર્સ/બિલ્ડરોના હીતની જાળવણી વધુ મજબૂતાઈથી કરશે.

ગુજરાત ક્રેડાઇ વિશે જાણી લો
કોન્ફેડરેશન ઓફ રિયલ એસ્ટેટ ડેવલપર્સ એસોસિએશન ઓફ ઇન્ડિયાએ ક્રેડાઇનું પૂરું નામ છે ગુજરાતમાં 2003થી ક્રેડાઇ કાર્યરત છે. વિવિધ રીતે ડેવલપર્સ/બિલ્ડરોના હીતની જાળવણી રાખે છે અને સાથે લોકોને પણ બાંધકામમાં કોઈ તકલીફ ન પડે તેનું ધ્યાન રાખે છે. ક્રેડાઇ ગુજરાત એ ગુજરાતમાં ખાનગી રિયલ એસ્ટેટ ડેવલપર્સ માટે સર્વોચ્ચ સંસ્થા છે. ક્રેડાઇ ગુજરાતના 11000 થી વધુ સભ્યો તેમજ ગુજરાતના વિવિધ શહેરોમાં 26 સભ્ય-સંગઠનો છે. ક્રેડાઇ ગુજરાત એક મજબૂત અવાજ છે જે ગુજરાતમાં રિયલ એસ્ટેટ ઉદ્યોગના હિતોનું પ્રતિનિધિત્વ કરે છે. ક્રેડાઇ ગુજરાત ગુણવત્તાયુક્ત બાંધકામ અને સમયસર પૂર્ણ કરવા પર વધુ ધ્યાન કેન્દ્રિત કરે છે, અને માળખાકીય જરૂરિયાતો અને શ્રમ કલ્યાણની પણ કાળજી લે છે. ડેવલપર્સ/બિલ્ડરો વતી, ક્રેડાઇ ગુજરાત રચનાત્મક નીતિઓની રચના સુનિશ્ચિત કરવા માટે સરકારી સત્તાવાળાઓ સાથે લોબીંગ કરે છે.