Health Tips / આ વિટામિનની ઉણપના કારણે નબળા પડી જાય છે હાડકાં, સમય રહેતા સાવધાન થઈ જજો, નહીં તો થશે મોટી મુશ્કેલીઓ

• શરીરની મજબૂતી માટે મજબૂત હાડકાં ખૂબ જરૂરી 
• વિટામિનની ઉણપના કારણે હાડકાં પડે છે નબળાં 
• ઉઠવું, બેસવું અને ચાલવું પણ બને છે મુશ્કેલ 

શરીરની મજબૂતી માટે મજબુત હાડકાં ખૂબ જ જરૂરી છે. પરંતુ કેટલીકવાર વિટામિનની ઉણપને કારણે હાડકાં નબળાં પડી જાય છે અને પછી સાંધાનો દુખાવો શરૂ થઈ જાય છે. ક્યારેક સાંધાનો દુખાવો ધીરે ધીરે એટલો વધી જાય છે કે ઉઠવું, બેસવું અને ચાલવું પણ મુશ્કેલ બની જાય છે. તો ચાલો અમે તમને જણાવીએ કે હાડકાં કેમ નબળા થાય છે અને કયા વિટામિનની ઉણપના કારણે આ થાય છે.

વિટામિન ડી મજબૂત હાડકાં માટે ખૂબ જ જરૂરી
વિટામિન ડી હાડકાની મજબૂતી માટે ખૂબ જ જરૂરી છે અને તેની ઉણપથી હાડકાં નબળા પડે છે. વિટામિન ડી શરીરમાં કેલ્શિયમને શોષવાનું કામ કરે છે. જે મજબૂત હાડકાં માટે જરૂરી છે. જો તમને પણ વિટામિન ડીની ઉણપ છે તો તમે સવારનો સૂર્યપ્રકાશ લઈ શકો છો. આ સિવાય સૅલ્મોન ફિશ, સંતરા, ગાયનું દૂધ અને મશરૂમનું સેવન કરી શકાય છે.

વિટામિન Kની કમીથી હાડકાં થાય છે કમજોર 
વિટામીન K ની ઉણપને કારણે પણ હાડકા નબળા પડી જાય છે અને તેના કારણે હાડકામાં દુખાવો થવા લાગે છે. હાડકાના દુખાવામાં રાહત મેળવવા માટે વિટામિન Kથી ભરપૂર ખોરાકનું સેવન કરી શકાય છે. તમને જણાવી દઈએ કે પનીર, સોફ્ટ ચીઝ, પાલક, બ્રોકોલી, સ્પ્રાઉટ્સમાં પણ વિટામિન K જોવા મળે છે.

હાડકાને સ્વસ્થ્ય બનાવવા માટે કેલ્શિયમ જરૂરી 
હાડકાંને સ્વસ્થ બનાવવા માટે કેલ્શિયમ ખૂબ જ જરૂરી છે. કારણ કે તેની ઉણપથી હાડકાં નબળાં પડી જાય છે. તેથી દરેક વ્યક્તિએ જરૂરિયાત મુજબ કેલ્શિયમ લેવું જોઈએ. આ માટે તમે તમારા આહારમાં ડેરી ઉત્પાદનોનો સમાવેશ કરી શકો છો. આ સિવાય બ્રોકોલી, સૅલ્મોન ફિશ અને લીલા શાકભાજીમાં કેલ્શિયમ મળે છે.

મસલ્સને મજબૂત કરવા માટે પ્રોટીન જરૂરી 
પ્રોટીન આપણા શરીરના મસલ્સને મજબૂત બનાવે છે અને સાથે પ્રોટીન હાડકાં માટે પણ ખૂબ જ મહત્વપૂર્ણ છે. મગફળી, ટોફુ, કોળાના બીજ, પનીર અને દૂધમાં પુષ્કળ પ્રમાણમાં પ્રોટીન જોવા મળે છે. જો કે, વધુ પડતા પ્રોટીનનું સેવન કરવું પણ નુકસાનકારક છે. તંદુરસ્ત વ્યક્તિનું વજન જેટલા કિલોગ્રામમાં છે તેટલા ગ્રામથી વધારે પ્રોટીન ન લેવું જોઈએ. જો તમારું વજન 70 કિલો છે. તો તમારે આખા દિવસમાં 70 ગ્રામથી વધુ પ્રોટીન ન લેવું જોઈએ.