વિટામિન સી શરીર માટે ખૂબ જ જરૂરી છે. મહિલાઓને એક દિવસમાં 75 મિલીગ્રામ અને પુરૂષોને 90 મિલીગ્રામ વિટામિન સીની જરૂર પડે છે. ચાલો જાણીએ તેની કમી કઈ રીતે પૂરી કરવી.
આ લોકોમાં વિટામિન સીની કમી હોય છે
આપણું શરીર વિટામિન સી બનાવી અને સ્ટોર કરી શકતું નથી. જેથી તેની કમીને પૂરી કરવા માટે ડાયટમાં રોજ વિટામિન સી લેવું જરૂરી છે. ખરાબ ખાનપાન, કિડનીની બીમારી, સિગરેટ અને આલ્કોહોલનું સેવન કરતા લોકોમાં વિટામિન સીની કમી હોય છે. શરીરમાં વિટામિન સી ઓછું હોવાના લક્ષણો સમજવા જરૂરી છે.
ઘા જલ્દી રૂઝાતો નથી
ઈજા થવા પર લોહી અને કોશિકાઓમાં વિટામિન સીનું સ્તર ઘટી જાય છે. શરીરને કોલેજન બનાવવા માટે તેની જરૂર પડે છે. જે એક પ્રકારનું પ્રોટીન છે. તે સ્કિનને રિપેર કરે છે. વિટામિન સી સંક્રમણથી લડવામાં મદદ કરે છે. જેથી તેની કમીને કારણ ઘા રૂઝાવામાં સમય લાગે છે.
પેઢા અને નાકમાંથી લોહી આવવું
વિટામિન સી લોહીની કોશિકાઓને સ્વસ્થ રાખે છે. દાંત અને પેઢાને મજબૂત બનાવવા માટે પણ કોલેજન જરૂરી છે. એક સ્ટડી અનુસાર પેઢાની સમસ્યાથી હેરાન જે લોકોએ બે સપ્તાહ દ્રાક્ષ ખાધી તેમના પેઢામાંથી લોહી નીકળવાનું બંધ થઈ ગયું. આ સિવાય વારંવાર નાકમાંથી લોહી નીકળવું પણ વિટામિન સીનો સંકેત છે.
વજન વધવું
ઘણાં રિસર્ચમાં વિટામિન સીની કમી અને ઓબેસિટી વચ્ચે સંબંધ જોવા મળ્યો છે. ખાસ કરીને પેટ પર ચરબી જમા થવા લાગે છે.
સ્કિન પર કરચલીઓ
વિટામિન સીની કમીથી સ્કિન બેજાન અને શુષ્ક થઈ જાય છે. આ સિવાય સ્કિનમાં કરચલીઓ અને ખીલ થવા લાગે છે. પણ જે લોકો વિટામિન સી યુક્ત ડાયટ લે છે તેમને એન્ટીઓક્સીડેન્ટ મળી રહે છે. જે સ્કિનને ફ્રી રેડિકલ્સથી બચાવવામાં મદદ કરે છે.
થાક અને ચિડિયાપણું
વિટામિન સીની કમીથી આખો દિવસ થાક અને ચિડિયાપણું લાગે છે. જેમાં વિટામિન સીની મદદથી આ સમસ્યા દૂર કરી શકાય છે.
નબળી ઈમ્યૂનિટી
વિટામિન સીની કમીથી ઈમ્યૂનિટી નબળી થવા લાગે છે. જેના કારણે તમે વારંવાર બીમાર પડો છો. કેટલીક રિસર્ચમાં જાણવા મળ્યું છે કે, વિટામિન સી ન્યૂમોનિયા અને બ્લેડર ઈન્ફેક્શન જેવી બીમારીઓથી બચાવવાનું કામ કરે છે અને કેટલાક પ્રકારના કેન્સર થવાનો ખતરો પણ ઓછો કરે છે.
આંખોની રોશની જતી રહે છે
વિટામિન સીની કમીથી ઉંમરની સાથે આંખો નબળી થવા લાગે છે અને જલ્દી ખરાબ થઈ જાય છે. આ સાથે જ ડાયટમાં વિટામિન સી લેવાથી મોતિયાનો ખતરો પણ દૂર રહે છે.
વિટામિન સી રિચ ફૂડ્સ
1/2 લાલ શિમલા મિર્ચ અથવા 3/4 કપ સંતરાનો જ્યૂસ, 1/2 કપ બ્રોકલીમાંથી સારી માત્રામાં વિટામિન મળી રહે છે. તમારી ડાયટમાં સંતરા, લીંબુ, પાલક, કીવી, આમળા, બ્રોકલી જરૂર સામેલ કરો.