જો તમે આવનારા દિવસોમાં મુસાફરી કરવા માંગતા હો તો સસ્તામાં હવાઈ મુસાફરી કરવાની સારી તક છે. ચાલો જાણીએ શું છે ઓફર.
મુસાફરી કરનારાઓ માટે સારાં સમાચાર
આ એરલાઈન્સ આપી રહી છે જબરદસ્ત ઓફર
હવે માત્ર 1099 રૂપિયામાં ફ્લાઈટથી કરો મુસાફરી
હકીકતમાં ઘરેલુ એરલાઇન વિસ્તારા મોનસૂન સેલ 2021 લઈને આવી છે. આ સ્પેશિયલ સેલ ફક્ત 48 કલાક માટે છે. એરલાઇન કંપની વિસ્તારાએ જણાવ્યું કે, મુસાફરીના ત્રણેય વર્ગો માટે ભાડુ ઉપલબ્ધ છે, જેમાં ઇકોનોમી ક્લાસની કિંમત 1,099 રૂપિયા, પ્રીમિયમ ઈકોનોમી 2,099 રૂપિયા અને બિઝનેસ ક્લાસ 5,999 રૂપિયા છે.
આજે છે છેલ્લો દિવસ
એરલાઇન્સ વિસ્તારાએ ગુરુવારે જણાવ્યું કે મોનસૂન સેલ દરમિયાન ખરીદેલી ટીકિટથી 1 ઓગસ્ટથી 12 ઓક્ટોબરની વચ્ચે મુસાફરી કરી શકાશે. કંપનીએ કહ્યું કે ચોમાસાની સીઝન શરૂ થઈ ગઈ છે અને લાંબા સમયથી અટકેલી રજાઓ માણવાનો સમય આવી ગયો છે. અમે અમારા ઘરેલુ નેટવર્ક પર 48 કલાક માટે મોનસૂન સેલની ઘોષણા કરવામાં ખુશી થઈ રહી છે. કંપનીના નિવેદન અનુસાર, વિસ્તારાના મોનસૂન સેલમાં તમામ કેટેગરીની ફ્લાઇટ્સનું બુકિંગ શરૂ થઈ ગયું છે અને આ વેચાણ 25 જૂન, 2021ના રોજ રાતે 12 વાગ્યે ખતમ થશે.
1099 રૂપિયામાં કરો હવાઈ મુસાફરી
આ ઓફરમમાં એરલાઈન તમને માત્ર 1099 રૂપિયામાં વનવે હવાઈ મુસાફરી કરવાની તક આપે છે. 1099 રૂપિયામાં તમે દિલ્હીથી ચંડીગઢ માટે યાત્રા કરી શકો છો. બેંગલુરુથી હૈદરાબાદનું શરૂઆતી ભાડું 1499 રૂપિયા છે. મુંબઈથી ગોવાતમે 1699 રૂપિયામાં જઈ શકો છો. ખાસ વાત એ છે કે આ તમામ ભાડાઓમાં ટેક્સ અને ફીસ સામેલ છે. ચેન્નઈથી બેંગલુરુ માટે ફિક્સ તારીખની વચ્ચે ફ્લાઈટ બુક કરાવો છો તો તમને 1549 રૂપિયા જ ભાડું આપવું પડશે. વધુ જાણકારી માટે એરલાઈનની ઓફિશિયલ વેબસાઈટ www.airvistara.com પર વિઝિટ કરી શકો છો.
આ ખાસ વાતો જાણી લો
આ સેલ હેઠળ ટિકિટ બુકિંગ 24 જૂન 2021એ રાતે 00.01 વાગ્યાથી લઈ 25 જૂન રાતે 23.59 વાગ્યા સુધી કરી શકાય છે.
વિસ્તારા મોનસૂન સેલમાં એક ઓગસ્ટથી 12 ઓક્ટોબર 2021 સુધી યાત્રા કરવા માટે ટિકિટ બુક કરાવી શકાય છે.
આ સેલમાં સીટની ઉપલબ્ધતા વહેલાં તે પહેલાંના આધારે મળશે.