અમદાવાદના ચકચારી હિટ એન્ડ રન કેસમાં વિસ્મય શાહની અરજી ફગાવવામાં આવી છે. વિસ્મય શાહની સજા રદ કરવાની માંગ હાઈકોર્ટે ફગાવી છે. હાઈકોર્ટે નીચલી કોર્ટના ચુકાદાને માન્ય રાખ્યો છે. વિસ્મયને 4 થી 6 સપ્તાહમાં હાજર થવા આદેશ કર્યો છે.
વિસ્મયની સજા રદ કરવાની માંગ ફગાવાઈ
નીચલી કોર્ટનો ચુકાદો માન્ય રાખ્યો
વિસ્મયને હાજર થવા આદેશ
વિસ્મય શાહ દ્વારા કરાયેલા હિટ એન્ડ રન કેસ મામલે ગુજરાત હાઈકોર્ટે સજા રદ કરવાની માંગ ફગાવી છે. આમ હાઈકોર્ટે નીચલી કોર્ટે આપેલી પાંચ વર્ષની સજાને માન્ય રાખી છે. તેમજ વિસ્મયને 4થી 6 સપ્તાહમાં હાજર થવા આદેશ પણ કર્યો છે.
આ અગાઉ 2015ના વર્ષમાં અમદાવાદ ગ્રામ્ય કોર્ટે 13મી જુલાઇ 2015ના રોજ આરોપી વિસ્મય શાહને પાંચ વર્ષની કેદની સજા સંભળાવી હતી. સાથે 25 હજાર રૂપિયાનો દંડ પણ ફટકાર્યો હતો. આ સાથે મૃત્તકના પરિવારજનોને 5-5 લાખ રૂપિયા વળતર આપવા 10 લાખ રૂપિયા કોર્ટમાં જમા કરાવવાનો હુક્મ કર્યો હતો.
શું છે સમગ્ર કેસ?
24 ફેબ્રુઆરી 2013ના રોજ પોતાની કાર BMW લઈને જઈ રહેલા વિસ્મય શાહે જજીસ બંગલા નજીક બે બાઇક સવારને અડફેટે લીધા હતા. આ અકસ્માતમાં શિવમ અને રાહુલ નામના બન્ને બાઇકસવારના મોત થયા હતા. આ ઘટના બાદ વિસ્મય શાહ ફરાર થઇ ગયો હતો. વિસ્મય વિરુદ્ધ મોટર વ્હિકલ એક્ટ હેઠળ ફરિયાદ નોંધાઇ હતી. ત્યાર બાદ 27 ફેબ્રુઆરી 2013ના રોજ વિસ્મય શાહ પોલીસ સ્ટેશનમાં હાજર થયો હતો. ત્યારબાદ અમદાવાદ ગ્રામ્ય કોર્ટે વિસ્મય શાહને 5 વર્ષની સજા ફટકારી હતી. મૃતકના પરિવારજનોને 5-5 લાખ વળતર આપવા આદેશ કર્યો હતો.