અમદાવાદ / હીટ એન્ડ રન કેસ મામલોઃ 5 વર્ષની સજા માફીની વિસ્મય શાહની અરજી પર આજે ચુકાદો

બહુચર્ચિત વિસ્મય શાહ હીટ એન્ડ રન કેસમાં સોમવારે ગુજરાત હાઈકોર્ટ ચૂકાદો આપે તેવી શક્યતા છે. ત્યારે અરજી પર ચૂકાદા મામલે હાઈકોર્ટની સિંગલ જજ બેંચ ચુકાદો આપી શકે છે.

શું છે મામલો?

વિસ્મય શાહ હીટ એન્ડ રન કેસમાં બે લોકોના મોત થયા હતા. ર૪-૦ર-ર૦૧૩ના રોજ જજીસ બંગલો રોડ પર બે બાઇકસવારને અડફેટે લીધા. શિવમ અને રાહુલ બે બાઇકસવારના મોત થયા હતા. ઘટનામાં BMW કાર વિસ્મય શાહ હંકારતો હતો જે ફરાર થઇ ગયો હતો. વિસ્મય વિરુદ્ધ મોટર વ્હિકલ એક્ટ હેઠળ ફરિયાદ થઇ હતી. ર૭-૦ર-ર૦૧૩ના રોજ વિસ્મય શાહ પોલીસ સ્ટેશનમાં હાજર થયો હતો. અમદાવાદ ગ્રામ્ય કોર્ટે વિસ્મયને 5 વર્ષની સજા ફટકારી હતી. રાહુલ-શિવમના માતા-પિતાને 5-5 લાખ વળતર આપવા આદેશ કર્યો હતો.