- શિવરાજપૂર બીચમાં ર૩.૪૩ કરોડના પ્રથમ ફેઇઝના પ્રોજેક્ટની પ૬ ટકા કામગીરી પૂર્ણ
- મુખ્યમંત્રીએ ટુરિસ્ટ ફેસીલીટી પ્રોજેક્ટસની કામગીરીનું નિરીક્ષણ કર્યુ
- જામનગર એરપોર્ટ ખાતે મુખ્યમંત્રીએ કર્યું ટૂંકું રોકાણ
રાજ્યના મુખ્યમંત્રી ભૂપેન્દ્ર પટેલે આજે દ્વારકા જિલ્લાની મુલાકાત લીધી હતી. આ દરમિયાન તેમણે જામનગર એરપોર્ટ ખાતે ટૂંકું રોકાણ કર્યું હતું. ત્યારબાદ મુખ્યમંત્રી બન્યા બાદ દ્વારકા જગત મંદિર ખાતે પ્રથમ વખત દર્શન કરી દ્વારકા જિલ્લાના અનેક કાર્યક્રમોમાં હાજરી આપી હતી. વધુમાં મુખ્યમંત્રી ભૂપેન્દ્ર પટેલે દ્વારકા નજીક વિકસી રહેલા શિવરાજપૂરના ટુરિસ્ટ ફેસીલીટી પ્રોજેક્ટસની કામગીરીનું પણ નિરીક્ષણ કર્યુ હતું.
.jpeg)
મુખ્યમંત્રી ભૂપેન્દ્ર પટેલે દ્વારકામાં વિવિધ કાર્યક્રમોમાં આપી હાજરી
મુખ્યમંત્રી ભૂપેન્દ્ર પટેલે દેવભૂમિ દ્વારકા જિલ્લાના શિવરાજપૂર બીચમાં પ્રવાસન વિભાગ દ્વારા હાથ ધરાઇ રહેલા પ્રવાસન-યાત્રી સુવિધાના કામોની પ્રગતિનું નિરીક્ષણ કર્યુ હતું. પર્યટન, પ્રવાસન અને સલામતીને ધ્યાને રાખીને બ્લ્યૂ ફલેગના વૈશ્વિક ધોરણો અન્વયે શિવરાજપૂર બીચને પ્રવાસન વિભાગ વિકસીત કરી રહ્યો છે. મુખ્યમંત્રી ભૂપેન્દ્ર પટેલ દ્વારકાધિશ મંદિરમાં અર્ચન-દર્શન કર્યા બાદ શિવરાજપૂર બીચ પહોચ્યા હતા. તેમણે શિવરાજપૂર ખાતે અંદાજે રૂ. ર૩.૪૩ કરોડના ખર્ચે ફેઇઝ-૧ અંતર્ગત અરાઇવલ પ્લાઝા, સાઇકલ ટ્રેક, પ્રોમોનેડ, પાથ-વે, પીવાના પાણી, ટોઇલેટ બ્લોક સુવિધા વગેરેના જે કામો હાથ ધરાવાના છે તે પૈકીના પ્રગતિ હેઠળના કામોની કામગીરીનું નિરીક્ષણ કર્યુ હતું.
ભૂપેન્દ્ર પટેલે શિવરાજપૂર પહોચવા માટેના રોડ કામગીરી નિહાળી
વધુમાં પ્રવાસન સચિવ હારિત શુકલાએ આ તકે મુખ્યમંત્રીને શિવરાજપૂર ડેવલપમેન્ટની વિગતો આપતાં કહ્યું કે, ફેઇઝ-૧ ના કામો પૈકી પ૬ ટકા કામો પૂર્ણ થઇ ગયા છે. સમગ્રતયા પ્રવાસનસુવિધાના કુલ અંદાજે ૧૩૫ કરોડના વિવિધ કામો શિવરાજપૂર માં હાથ ધરવામાં આવી રહ્યા છે તેમ પ્રવાસન સચિવે મુખ્યમંત્રીને જણાવ્યું હતું. ઉપરાંત મુખ્યમંત્રી ભૂપેન્દ્ર પટેલે આ કામો વહેલાસર પૂર્ણ કરી પ્રવાસીઓને પુરતી સુવિધા મળી રહે તે માટેના પ્રેરક સૂચનો કર્યા હતા. શિવરાજપૂર ખાતે ફેઇઝ-ર માં ૧૭ જેટલા વિવિધ ટુરિસ્ટ ફેસેલીટીઝના રૂપિયા ૭૧.૮૦ કરોડની કિંમતના કામોની વિગતો પણ પ્રવાસન સચિવે મુખ્યમંત્રીને આપી હતી. ભૂપેન્દ્ર પટેલે હાઇ-વે થી શિવરાજપૂર પહોચવા માટેના રોડની માર્ગ-મકાન વિભાગ દ્વારા થઇ રહેલી કામગીરી પણ નિહાળી હતી. પ્રવાસન વિભાગે આ રોડ નિર્માણ માટે ૪૦ કરોડ રૂપિયા માર્ગ-મકાન વિભાગને ફાળવેલા છે તથા આ રોડનું ૪૯ ટકા કામ પૂર્ણ થઇ ગયું છે.
.jpeg)
