આજે CM વિજય રૂપાણી સ્ટેચ્યુ ઓફ યુનિટીની મુલાકાતે સ્ટેચ્યુની કામગીરી અંગે સમીક્ષા બેઠક

નર્મદાઃ મુખ્યમંત્રી વિજય રૂપાણીએ સ્ટેચ્યુ ઓફ યુનિટીના નિરીક્ષણ બાદ સર્કિટ હાઉસ ખાતે અધિકારીઓ સાથે બેઠક કરી હતી. આ બેઠકમાં નાયબ મુખ્યમંત્રી નીતિન પટેલ મુખ્ય સચિવ અને ડેમના અધિકારીઓ હાજર રહ્યા હતા.

આ બેઠકમાં મુખ્યમંત્રીએ અધિકારીઓને 31 ઓક્ટોબર સુધીમાં કામ પૂર્ણ કરવાની સૂચના આપી હતી. આ પહેલા મુખ્યમંત્રી વિજય રૂપાણીએ સ્ટેચ્યુ ઓફ યુનિટીની મુલાકાત લીધી હતી. આ દરમિયાન મુખ્યમંત્રી વિજય રૂપાણીએ સ્ટેચ્યુ ઓફ યુનિટીની કમગીરીની સમીક્ષા પણ કરી હતી. મહત્વનુ છે કે સ્ટેચ્યુ ઓફ યુનિટીનું 31 ઓક્ટોબરે લોકાર્પણ કરાશે. પ્રધાનમંત્રી નરેન્દ્ર મોદીના હસ્તે લોકાર્પણ કરવામાં આવશે.



સ્ટેચ્યુ ઓફ યુનિટીની ખાસિયત
સરદાર પટેલની 182 મીટર ઊંચી પ્રતિમા તૈયાર થશે. રૂ. 2 989 કરોડના ખર્ચે વિશ્વની સૌથી ઊંચી પ્રતિમા બનશે. સ્ટેચ્યુ ઓફ યુનિટિનું મોટા ભાગનું કામ પૂર્ણ થયું છે. સ્ટ્રક્ચર સ્ટીલનું કમરથી નીચેના ભાગમાં ઇન્સ્ટોલેશન. 31 ડિસેમ્બર 2014ના રોજ કામ શરૂ થયું હતું. 31 ઓકટોબર 2018ના રોજ PM મોદી લોકાર્પણ કરશે. 

કેટલું કામ થયું પૂર્ણ?
કાંસુ લગાવવાના 5 ભાગ પૂરા થયા છે. RCC કોર A અને Bનું કામ પૂર્ણ થયું. RCC કપલીંગ વોલનું કામ પણ પૂર્ણ થયું. સ્ટેચ્યુ બેઝના ઢળતા સ્લેબનું કામ પણ પૂર્ણ થયું. મેમોરીયલ અને વિઝીટર સેન્ટરના ઢાંચાનું કામ થયું. મુખ્ય પુલના ડેક સ્લેબનું કામ પણ પૂર્ણ થયું. શ્રેષ્ઠ ભારત ભવનના પાયા અને RCCનું કામ પૂર્ણ થયું.