તમારા કામનું / માત્રા આટલા રૂપિયામાં તિરૂપતિ-રામેશ્વરમના દર્શન, રેલવે સાઉથ ઈન્ડિયા ફરવા આપી રહ્યું છે જોરદાર પેકેજ

• નવા વર્ષના પહેલા મહિનામા ગુજરાતીઓને ફરવા જવાનું વિચારી રહ્યા છો?
• આ ટુર 24 જાન્યુઆરી 2023થી શરૂ થશે
• IRCTC ટુર પેકેજ પ્રતિ વ્યક્તિ માત્ર 13,900 રૂપિયાથી શરૂ થશે

જો તમે નવા વર્ષના પહેલા મહિનામાં તમે ક્યાંક ફરવા જવાની યોજના બનાવી રહ્યા છો, તો IRCTC તમારા માટે એક શાનદાર પેકેજ લઈ આવ્યું છે.  જણાવી દઈએ કે IRCTCએ તેના ટ્વિટર એકાઉન્ટ દ્વારા આ પેકેજની જાહેરાત કરી છે અને આ ખાસ પેકેજ હેઠળ દક્ષિણ ભારતના ઘણા સુંદર સ્થળોની મુલાકાત લેવાની તક મળશે. આ સાથે જ સૌથી મહત્વની વાત એ છે કે તેનું બુકિંગ માત્ર 13,900 રૂપિયા પ્રતિ વ્યક્તિથી શરૂ થઈ રહ્યું છે અને આ પેકેજમાં તમારે ખાવા-પીવાની ચિંતા કરવાની જરૂર નથી. કારણ કે આમાં તમને ખાવા, રહેવા અને ફરવાની સુવિધા આપવામાં આવશે. ચાલો જાણીએ.. 

ટૂર પેકેજની વિગતો 
આ પેકેજનું નામ સાઉથ ઈન્ડિયા ડિવાઈન એક્સપ્રેસ રાજકોટ (WZSD10) (South India Divine Ex. Rajkot) છે. IRCTCનું આ ટૂર પેકેજ સંપૂર્ણ 9 દિવસ અને 8 રાતનું હશે. જે રાજકોટથી શરૂ શરૂ થશે. આ પેકેજ દ્વારા તિરુપતિ, કન્યાકુમારી, રામેશ્વરમ, મદુરાઈ વગેરે સ્થળોની મુલાકાત લઈ શકશો અને આ ટુર 24 જાન્યુઆરી 2023થી શરૂ થશે. તમને નાસ્તો, લંચ અને ડિનર પણ આપવામાં આવશે. જો ટ્રેનના ક્લાસની વાત કરીએ તો ટ્રેનમાં મુસાફરી કરવા માટે મુસાફરોને સ્લીપર અને થર્ડ એસી ક્લાસ બંને વિકલ્પ આપવામાં આવશે.

કેવી રીતે બુક કરવું
જો તમે પણ આ પેકેજ દ્વારા ટુર કરવા માંગો છો, તો તમે IRCTC વેબસાઇટ irctctourism.com પર જઈને આ ટૂર પેકેજ ઓનલાઈન બુક કરી શકો છો. આ સિવાય તમે IRCTC ઓફિસ અથવા સુવિધા કેન્દ્ર દ્વારા પણ બુકિંગ કરાવી શકો છો. 

"Get your hands on our South India Divine package,curated exclusively for you! The package, full of spirituality and mystique costs ₹ 13900/- onwards pp*
Check out more https://t.co/6JDX1HnPQU"@AmritMahotsav @incredibleindia @tourismgoi #AzadiKiRail pic.twitter.com/z4sU34RMcV

— IRCTC (@IRCTCofficial) December 29, 2022

ભાડું કેટલું હશે?
IRCTC ટુર પેકેજ પ્રતિ વ્યક્તિ માત્ર 13,900 રૂપિયાથી શરૂ થશે. જો તમે ઓછા પૈસામાં આ પ્રવાસનો આનંદ લેવા માંગતા હોવ તો તમે SL કેટેગરીના પેકેજને પસંદ કરી શકો છો. આમાં મુસાફરી કરવા માટે તમારે માત્ર 13,900 રૂપિયા ચૂકવવા પડશે. બીજી તરફ, જો તમે SL સ્ટાન્ડર્ડ કેટેગરીના પેકેજ લો છો, તો તેનો ખર્ચ વ્યક્તિ દીઠ 15,300 રૂપિયા થશે. જો તમે થર્ડ એસી કેટેગરીના પેકેજ લેવા માંગો છો, તો તમારે પ્રતિ વ્યક્તિ 23,800 રૂપિયા ચૂકવવા પડશે.