નવા વર્ષમાં જો તમ પરિવાર અને મિત્રોની સાથે ક્યાંય ફરવાનો પ્લાન બનાવી રહ્યા છો તો IRCTC તમારા માટે શાનદાર પેકેજ લઈને આવ્યું છે. આ પેકેજ હેઠળ તમે લગભગ 3000 રૂપિયામાં હિલ સ્ટેશનની મુલાકાત કરી શકો છો.
નવા વર્ષમાં કરી રહ્યાં છો ફરવાનો પ્લાન?
IRCTC લઈને આવ્યું શાનદાર ટૂર પેકેજ
3000 રૂપિયામાં લો હિલ સ્ટેશનની મુલાકાત
નવા વર્ષમાં લોકો મોટાભાગે પોતાના પરિવાર અથવા મિત્રોની સાથે ફરવા જવાનું પસંદ કરે છે. એવામાં IRCTC પોતાના યાત્રીઓ માટે ખૂબ જ સસ્તુ અને શાનદાર ટૂર પેકેજ લઈને આવ્યું છે. આ પેકેજ હેઠળ તમને આંધ્ર પ્રદેશના વિશાખાપટ્ટનમથી અરકુ વેલી ફરવાની તક મળી રહી છે. અરકુ વેલી વિશાખાપટ્ટનમ જિલ્લામાં જ એક હિલ સ્ટેશન છે.
નવા વર્ષ માટે કરાવી શકો છો બુકિંગ
અરકુ પોતાની ઘાટિઓ, ઝરણા, સ્ટ્રીમ્સ અને કોફીની ખેતી માટે જાણીતુ છે. તમે આ ટૂરમાં ટ્રાઈબલ મ્યુઝિયમ, બોરા કેવ સહિત ઘણા ટૂરિસ્ટ સ્થાનો પર ફરી શકો છો. આ પેકેજનો સમયગાળો ફક્ત 1 દિવસ જ છે. જો તમે આ પેકેજ હેઠળ ફરવા માંગો છો તો નવા વર્ષ માટે બુકિંગ કરી શકો છો. તમને વિશાખાપટ્ટનમ સ્ટેશનથી અરકુ ઘાટી ટ્રેન દ્વારા લઈ જવામાં આવશે.
લંચની પણ સુવિધા
વિશાખાપટ્ટનમ રેલવે સ્ટેશન પહોંચ્યા બાદ તમે અરકુ માટે ટ્રેનમાં બેસી શકો છો. ગાડીની સંખ્યા 18551 દરરોજ વિશાખાપટ્ટનમથી અરકુ માટે રવાના થાય છે. નવા વર્ષની વાત કરીએ તો 2 જાન્યુઆરીએ આ ટ્રેન રવાના થશે. અરકુ સ્ટેશન પહોંચીને તમારા માટે ગાડીનો બંદોબસ્ત હશે.
તમારે ગાડીથી જ ટ્રાઈબલ મ્યુઝિયમ અને ગાર્ડન ફરવા માટે લઈ જવામાં આવશે. ત્યાર બાદ તમને IRCTC દ્વારા જ લંચ મળશે. ત્યાર બાદ ગાડીથી તમને વિશાખાપટ્ટનમ પરત લઈ જવામાં આવશે. આ સમયે રસ્તામાં તમને અનંતગિરી કોફી બગીચા, ગલિકોંદા વ્યૂ પોઈન્ટ અને બોરાકેવ્સ પણ ફરવાનો મોકો મળશે.
કેટલું થશે ભાડુ?
જો તમે EC ક્લાસથી યાત્રા કરવા માંગો છો તો તમને પ્રતિ વ્યક્તિ 3060 રૂપિયા ખર્ચ કરવા પડશે. ત્યાં જ બાળકો માટે 2670 રૂપિયા ભાડુ નક્કી કરવામાં આવ્યું છે. ત્યાં જો તમે સ્લીપર ક્લાસથી યાત્રા કરી રહ્યા છો તો તમને 2385 રૂપિયા ખર્ચ કરવાનો રહેશે.
ત્યાં જ જો તમારી સાથે કોઈ બાળક યાત્રા કરી રહ્યું છે તો તમને તેના માટે 2015 રૂપિયા ખર્ચ કરવા પડશે. સેકેન્ડ ક્લાસમાં યાત્રા કરવા માટે તમને 2185 રૂપિયા ખર્ચ કરવા પડશે. જો તમારી સાથે કોઈ બાળક છે તો તેના માટે તમને 1815 રૂપિયા આપવા પડશે.
પેકેજમાં શું-શું હશે શામેલ?
જો તમે આ પેકેજ હેઠળ બુકિંગ કરો છો તો વિશાખાપટ્ટનમથી અરકુની ટ્રેન યાત્રાનું ભાડુ આ પેકેજમાં શામેલ છે. ત્યાં જ અરકુ પહોંચ્યા બાદ અલગ અલગ જગ્યાએ ફરવા માટે IRCTC દ્વારા ગાડીનો પ્રબંધ કરવામાં આવશે. આ સમયે તમને બ્રેકફાસ્ટ, લંચ અને હાઈ ટી પણ IRCTC દ્વારા કરાવવામાં આવશે. સાથે જ બોરોકેવ્સની એન્ટ્રી ટિકિટ પણ આ પેકેજમાં શામેલ છે.
આ પેકેજ સાથે જોડાયેલી જરૂરી ડિટેલ્સ અને બુકિંગ માટે તમે IRCTCની ઓફિશ્યલ વેબસાઈટ ચેક કરી શકો છો. સાથે જ તમે 8287932318, 0891250069 નંબર પર કોલ કરી શકો છો.