ગુલાબ વાવાઝોડાને કારણે આંધ્રપ્રદેશને ભારે વરસાદ પડ્યો છે. જેના કારણે વિશાખાપટ્ટનમના એરપોર્ટ પર જળબંબાકાર જેવી સ્થિતી સર્જાઈ છે. એરપોર્ટની અંદર અને બહાર પાણીજ પાણી જોવા મળી રહ્યું છે.
વિશાખાપટ્ટનમ એરપોર્ટ બન્યું તળાવ
એરપોર્ચની અંદર અને બહાર ઘુંટણસમા પાણી
મુસાફરો થયા હેરાન પરેશાન
ગુલાબ વાવાઝોડાને કારણે આંધ્રપ્રદેશમાં ચારેય બાજુ પાણીજ પાણી ફેલાયા છે. ત્યારે વિળાખાપટ્ટનમમા આંતરરાષ્ટ્રીય એરપોર્ટ પર પણ કઈક એવાજ હાલ જોવા મળ્યા છે. અહીયા એરપોર્ટની અંદરની અને બહાર ઘૂટણસમા પાણી ભરાઈ ગયા છે. જેના કારણે મુસાફરોને ભારે તકલીફ પડી રહી છે.
#WATCH | Visakhapatnam International Airport witnesses severe waterlogging following heavy rainfall due to cyclone 'Gulab' in coastal areas of Andhra Pradesh pic.twitter.com/iHAjqKZ57J
વીડિયોમાં આપ જોઈ શકો છો કે એરપોર્ટની અંદર પણ પાણી ભરાઈ ગયા છે. જ્યા મુસાફકરો પાણીમાંજ ચાલી રહ્યા છે. સાથેજ એરપોર્ટની બહારના રોડ ઉપર પણ પાણી ભરાઈ ગયા છે. આ સમસ્યા ગુલાબ વાવાઝોડાને કારણે સર્જાઈ છે. કારણકે વાવાઝોડાને કારણે ગઈકાલે રાતથી અહીયા સતત વરસા પડી રહ્યો છે.
ગુજરાતમાં ગુલાબ વાવાઝોડાનું સંકટ
આપને જણાવી દઈએ કે ગુલાબી આફત ગુજરાત પર સંકટના વાદળ તરીકે ફરી રહી છે. ચોમાસાના અંતમાં ગુજરાતઆમાં સારો એવો વરસાદ વરસી રહ્યો છે. પણ હવેનો વરસાદ ખેડૂતો માટે આફતનો વરસાદ સાબિત થાય એમ છે. સપ્ટેમ્બરના પ્રથમ સપ્તાહ પછી સતત વરસી રહેલા વરસાદને કારણે ખેડૂતોના પાકને મોટું નુકસાન થવાની ભીતિ સેવાઇ રહી છે.
અંબાલાલ પટેલે કરી ભારે વરસાદની આગાહી
ઓડિશા પર ત્રાટકેલા ગુલાબ વાવાઝોડાની અસર ગુજરાતમાં આજથી જ જોવા મળી રહી છે. હવામાન આગાહીના જાણકાર અંબાલાલ પટેલ દ્વારા ગુજરાતમાં વરસાદને લઈ મોટી આગાહી કરવામાં આવી છે.
5 દિવસ અતિભારે વરસાદની આગાહી
ઉલ્લેખનીય છે કે રાજ્યમાં આજથી 5 દિવસ અતિભારે વરસાદની આગાહી કરાઇ છે. સાઇક્લોનિક સર્ક્યુલેશનને લીધે ભારે વરસાદ પડશે. ગુલાબ વાવાઝોડું નબળું પડ્યું પરંતુ અસર યથાવત રહેશે. આજે ઉત્તર ગુજરાત અને મધ્ય ગુજરાતમાં વરસાદ પડશે. વડોદરા, ગાંધીનગર, અમદાવાદ, ખેડા સહિત ભારે વરસાદ રહેશે. જ્યારે નવસારી, સુરત, ભરૂચ, વલસાડમાં અતિભારે વરસાદની આગાહી કરાઇ છે. તો જામનગર, પોરબંદર, ગીરસોમનાથ સહિત અતિભારે વરસાદ પડી શકે છે.