ટ્રાવેલ / વેકેશનમાં ફરવાનો છે પ્લાન, તો આ દેશમાં વિઝા વગર ફરો

વેકેશનની શરૂઆત થઇ ચૂકી છે, તમામ લોકોએ ફરવાના પ્લાન બનાવવા વિશે વિચાર્યુ હશે ત્યારે ચોક્કસથી તમામ વ્યકિતની ઇચ્છા હશે કે તેઓ પોતાના દોસ્તો, પરિવારની સાથે ફરે. કેટલાક લોકો દેશની અન્ય જગ્યાઓ પર ફરવાનું વિચારી રહ્યા હશે તો કેટલાક લોકો વિદેશ ફરવા ઇચ્છતા હશે. પરંતુ બજેટ તથા વિઝાને કારણે ફોરેન ટ્રિપ થવી ક્યારેક અસંભવ બને છે. પરંતુ અમે તમને જણાવીશુ કે ઘણા એવા દેશો છે જ્યાં તમે વિઝા વગર અને ઓછા ખર્ચમા ફરી શકો છો. વાસ્તવમાં, જો તમારી પાસે ભારતીય પાસપોર્ટ છે તો તમે 50થી વધારે દેશોમાં વિઝા વગર અથવા તો વિઝા ઑન અરાઇવલમાં ફરી શકો છો. 

નેપાળ:

ભારતનો પડોશી દેશ નેપાળમાં જવા માટે વિઝાની જરૂર નહી પડે. નેપાળ જવા માટે પણ વધારે ખર્ચ નહી થાય અને તમને અહીંયા તમામ પ્રકારના પર્યટક જોવા મળી જશે. ભારતમાં ઘણા કપલ લગ્ન પછી હનીમૂન કરવા માટે નેપાળ જાય છે. નેપાળ ફરવા માટે બેસ્ટ ડેસ્ટિનેશન છે, જ્યાં ઘણા પ્રાચીન મંદિરો પણ છે.

થાઇલેન્ડ:

બીચ તથા નાઇટ લાઇફ માટે લોકપ્રિય થાઇલેન્ડમાં ભારતીયો માટે વિઝા ઑન અરાઇવલની સુવિધા છે. થાઇલેન્ડને શોપિગં હબ કહેવાય છે. આ દેશોમાં સુંદર દ્વીપ, ગુફાઓ અને નીલા રંગના સમુદ્ર તટ પણ શામેલ છે. 

ફિઝી:

પ્રશાંત મહાસાગરના મેલેશિયામાં ફિઝી એક દ્વિપ દેશ છે. ફિઝીની સંસ્કૃતિ સ્વેદશી, ભારતીય, યૂરોપીય અને ચીની પરંપરાનું મિશ્રણ છે. અહીંયા ફરવા માટે તમારે વિઝા જેવી મુશ્કેલીઓનુ સામનો પણ નથી કરવો પડતો. 

ઇન્ડોનેશિયા:

ઇન્ડોનેશિયા મહાદ્વીપ પાસે સ્થિત બાલી વિશ્વનું સૌથી ફેમેસ ટૂરિસ્ટ ડેસ્ટિનેશનમાંથી એક છે. બાલી સુંદર બીચ, નાઇટલાઇફની સાથે આધ્યાત્મ માટે બેસ્ટ ડેસ્ટિનેશન છે.