તમને કોઇ એમ કહે કે તમે તમારા મૃત સંબંધીઓને વર્ચુઅલ રિયાલિટીમાં મળી શકો છો, તો પછી તમે કદાચ તેના પર વિશ્વાસ નહીં કરો. જોકે તાજેતરમાં આવી ઘટના કોરિયાના એક ટેલિવિઝન શોમાં જોવા મળી હતી. 'મીટિંગ યુ'; નામના આ શોમાં એક માતાની વર્ચ્યુઅલ રૂપે તેની પુત્રી સાથે મુલાકાત કરાવવામાં આવી હતી જેનું મૃત્યુ 2016 માં થયું હતું.
એક માતાએ 4 વર્ષ પછી વર્ચુઅલ રિયાલિટીની મદદથી તેની પુત્રીનો સ્પર્શ પણ કર્યો અને તેની સાથે વાત પણ કરી. માતાને વાસ્તવિક અહેસાસ થાય તે માટે તેને વર્ચુઅલ રિયાલિટી હેડવિયર અને ટચ સંવેદનશીલ ગ્લોવ્ઝ પહેરાવાયા હતા. આ પછી માતાએ વીઆર હેડગિયરમાં જોવાનું શરૂ કર્યું કે તે એક બગીચામાં આવી છે, જ્યાં તેની પુત્રી વર્ચુઅલ જાંબલી ડ્રેસમાં હસી રહી છે.
આટલા વર્ષો પછી માતા તેની દીકરીને વર્ચ્યુઅલ સ્વરપુમાં જોઇને અત્યંત ભાવુક થઈ ગઈ હતી. પુત્રીએ તેની માતાને જણાવ્યું હતું કે તે હવે કોઈ પ્રકારની પીડા અનુભવી રહી નથી અને એમ પણ કહ્યું કે હું તમને ખૂબ જ યાદ કરું છું'. કોરિયન કંપનીની મુન્હવા બ્રોડકાસ્ટિંગ કોર્પોરેશનએ આ છોકરીના ફોટા અને વીડિયો પરથી તેના વર્ચુઅલ અવતાર માટે ખુબ મહેનત કરી હતી. આ ઉપરાંત, મૃત છોકરી જેવા જ અવાજને બનાવવામાં લાંબો સમય લાગ્યો, હતો. જ્યારેમાતાએ તેની દિકરીના ડિજિટલ સ્વરૂપને સ્પર્શ કર્યો ત્યારે થોડો ખચકાટ અનુભવાયો હતો. જ્યારે તેને તેનો હાથ પકડવાનું કહેવામાં આવ્યું ત્યારે તેની આંખોમાંથી આંસુ પડવા લાગ્યા. છેલ્લે છોકરીએ તેની તેની માતાને કહ્યું કે તે હવે કંટાળી ગઈ છે અને સૂવા માંગે છે.