ભારતીય ટીમનાં શુભમન ગિલ આજકાલ પોતાની શાનદાર બેટિંગ અને સદીઓ ફટકારી લોકોને ચોંકાવી રહ્યાં છે ત્યારે વિરેન્દ્ર સહેવાગે તેમના વખાણ કરતાં ગિલ અને અમદાવાદ વચ્ચેની પ્રેમ કહાણીનો ઉલ્લેખ કર્યો.
શુભમન ગિલે IPLની પહેલી સદી ફટકારી
વિરેન્દ્ર સહેવાગે કર્યાં ખૂબ વખાણ
ગિલ અને અમદાવાદ વચ્ચેનાં પ્રેમ પ્રકરણનો ઉલ્લેખ કર્યો
ભારતીય ટીમનાં શાનદાર બેટ્સમેન શુભમન ગિલે વર્ષ 2023માં પોતાનું ધમાકેદાર પર્ફોર્મન્સ આપ્યું છે. અમદાવાદમાં હૈદ્રાબાદની સામેની મેચમાં ગિલે IPLની પહેલી સદી ફટકારી હતી. તેમનાં આ શાનદાર સ્કોર બાદ વીરેન્દ્ર સહેવાગે તેમના વખાણ કર્યાં અને ગિલ-અમદાવાદની લવ સ્ટોરી વિશે પણ જણાવ્યું.
અમદાવાદનાં સ્ટેડિયમમાં સદી ફટકારી
શુભમન ગિલે 15 મેનાં રોજ થયેલી હૈદ્રાબાદ સામે થયેલી મેચમાં IPLની સૌથી પહેલી સદી ફટકારી હતી જેમાં તેમણે 58 બોલમાં 101 રનની ઈનિંગ રમી હતી. આ પહેલાં 7 મેનાં રોજ લખનઉની સામે આ ટ્રેક પર 51 બોલમાં 94 રનની ઈનિંગ રમી ચૂક્યાં છે. એટલું જ નહીં ન્યૂઝીલેન્ડની સામે અમદાવાદમાં જ રમવામાં આવેલી મેચમાં પોતાની પહેલી ટી20ની સદી ફટકારી હતી. આ આંકડાઓ જોયા બાદ વીરેન્દ્ર સહેવાગે ગિલ અને અમદાવાદ વચ્ચેનાં પ્રેમનો કિસ્સો સંભળાવ્યો.
પ્રેમ લગ્નમાં પરિવર્ત્યો
સહેવાગે ગિલની બેટિંગનાં વખાણ કરતાં જણાવ્યું કે' ગિલ અને અમદાવાદ વચ્ચેની પ્રેમ કહાણીમાં આ સૌથી મોટો અધ્યાય જોડાયો હશો. હું તો કહીશ કે હવે આ એક લગ્ન છે, પ્રેમ પ્રસંગ લગ્નમાં બદલાઈ ગયો છે. એવું લાગી રહ્યું છે કે તેઓ સંપૂર્ણપણે અલગ જ રીતે બેટિંગ કરી રહ્યાં હતાં. ગિલ સરળતાથી બાઉંડ્રી લગાવી રહ્યાં છે જ્યારે અન્ય તમામ બેટ્સમેન સ્ટ્રગલ કરી રહ્યાં હતાં.'