IPL 2025 / 'અહીંયા રજાઓ ગાળવા અને...', સેહવાગ વિદેશી ખેલાડીઓ પર ગુસ્સે ભરાયો

વીરેન્દ્ર સેહવાગ અને ગ્લેન મેક્સવેલ વચ્ચે ઝઘડાના સમાચાર સમયાંતરે ચર્ચાનો વિષય બને છે. વાસ્તવમાં, એવું કહેવાય છે કે સેહવાગ અને મેક્સવેલ વચ્ચેના સંબંધો ત્યારે બગડ્યા હતા જ્યારે સેહવાગ પંજાબ કિંગ્સનો મેન્ટર હતો અને તે દિવસોમાં મેક્સવેલ ટીમની કેપ્ટનશીપ કરી રહ્યો હતો. હવે ભૂતપૂર્વ ભારતીય ક્રિકેટર સેહવાગે મેક્સવેલ સહિતના વિદેશી ક્રિકેટરો પર કટાક્ષ કર્યો છે. તેમણે કહ્યું છે કે વિદેશી ખેલાડીઓ અહીં રજાઓ વિતાવવા આવે છે અને રજાઓનો આનંદ માણ્યા પછી ચાલ્યા જાય છે. તેમના આ નિવેદન પર ઘણો હોબાળો થઈ રહ્યો છે.

સેહવાગે મેક્સવેલ પર પ્રહાર કર્યો

ક્રિકબઝના એક શોમાં ચર્ચા કરતી વખતે વીરેન્દ્ર સેહવાગે કહ્યું, "મને લાગે છે કે ગ્લેન મેક્સવેલ અને લિયામ લિવિંગસ્ટોન રમવાની ભૂખ ગુમાવી ચૂક્યા છે. તેઓ અહીં રજાઓ માણવા આવે છે અને રજાઓ ઉજવ્યા પછી ચાલ્યા જાય છે. તેમનામાં હવે ટીમ માટે લડવાનો જુસ્સો રહ્યો નથી. તેઓ ફક્ત જીતવાની વાત કરે છે, પણ સારું પ્રદર્શન કરતા નથી."

વધુ વાંચો: રોહિત પર ઓવારી ગયા મુખ્ય કોચ જયવર્ધને, આપી દીધુ નવું ઉપનામ

વીરેન્દ્ર સેહવાગે વધુમાં કહ્યું કે તેમણે ઘણા વિદેશી ખેલાડીઓ સાથે કામ કર્યું છે જેઓ ટીમ માટે ટુર્નામેન્ટ જીતવા માંગતા હતા, પરંતુ તેમને મેક્સવેલ અને લિવિંગસ્ટોનમાં આવી કોઈ ભૂખ દેખાતી નથી. ડેવિડ મિલરની પ્રશંસા કરતા તેમણે કહ્યું, "પંજાબ કિંગ્સના નેટ સેશન દરમિયાન, ડેવિડ ટર્નિંગ પિચ તૈયાર કરવામાં ફાળો આપતો હતો. તે સ્પિન બોલિંગ સામે પ્રેક્ટિસ કરીને પરિસ્થિતિઓમાં પોતાને અનુકૂળ કરવાનો પ્રયાસ કરતો હતો."

પહેલા કહીં ચુક્યો છે દારૂબાઝ

વીરેન્દ્ર સેહવાગે અગાઉ ગ્લેન મેક્સવેલ માટે કઠોર શબ્દોનો ઉપયોગ કર્યો છે. તેણે એક વખત મેક્સવેલને '10 કરોડ ચીયરલીડર' કહ્યો હતો. વર્ષ 2020 માં, સેહવાગે ઓસ્ટ્રેલિયન દિગ્ગજ પર વધુ પડતો દારૂ પીવાનો અને ફક્ત ગોલ્ફ પર ધ્યાન કેન્દ્રિત કરવાનો આરોપ મૂક્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ