IND vs PAK / આજે મેદાન પર ઉતરતા જ કોહલી રચશે બે ઐતિહાસિક રેકૉર્ડ, ડિવિલિયર્સે વીડિયો શેર કરી આપી શુભકામનાઓ

• વિરાટ કોહલી આજે ત્રણેય ફોર્મેટમાં ૧૦૦ મેચ રમનાર પહેલા ભારતીય ખેલાડી બનશે 
• ઇન્ટરનેશનલ ક્રિકેટમાં ત્રણેય ફોર્મેટમાં ૧૦૦થી વધારે મેચ રમનાર બીજા ખેલાડી બનશે 
• આજે ભારત અને પાકિસ્તાન વચ્ચે મેચ 

આજે ભારત અને પાકિસ્તાન વચ્ચે મેચ 

ભારતીય ટીમનાં અનુભવી બેટ્સમેન વિરાટ કોહલી એકવાર ફરી મેદાનમાં ઉતરવાની તૈયારીમાં છે. કોહલીને મોટા મુકાબલાઓથી પહેલા થોડા દિવસો માટે આરામ આપવામાં આવ્યો હતો. લોકોની નજર તેમના પર સતત ટકેલી છે. મેચ શરુ થતા પહેલા તેઓ પ્રેક્ટીસ સેશનમાં ખૂબ જ સરસ બેટિંગ કરતા જોવા મળ્યા છે. કદાચ એટલા માટે જ લોકોને તેમનાથી આશાઓ છે. 

.@ABdeVilliers17 has a special message for his close friend @imVkohli ahead of his 100th T20I! ❤️

DP World #AsiaCup2022 | #INDvPAK | #TeamIndia | #BelieveInBlue | #GreatestRivalry pic.twitter.com/nG0VbOo27O

— Star Sports (@StarSportsIndia) August 28, 2022

વિરાટ કોહલી આજે ત્રણેય ફોર્મેટમાં ૧૦૦ મેચ રમનાર પહેલા ભારતીય ખેલાડી બનશે 

ભારત-પાકિસ્તાન મેચ પહેલા તેમના પૂર્વ આઈપીએલ સાથી ખેલાડી એબી ડીવિલિયર્સે તેમના માટે ખાસ સંદેશ મોકલ્યો છે. દિગ્ગજ આફ્રિકી બેટ્સમેને સોશિયલ મીડિયા પર પોતાનો એક વીડીયો શેર કરતા કહ્યું કે હું મારા સૌથી સારા મિત્ર વિરાટ કોહલીને ક્રિકેટનાં ત્રણ ફોર્મેટમાં ૧૦૦ મેચ રમવાવાલા ભારતનાં પહેલા ક્રિકેટર બનવા પર અભિનંદન આપવા માંગુ છું. 

જણાવી દઈએ કે વિરાટ કોહલી આજે ભારત-પાકિસ્તાન મેચ માટે મેદાનમાં ઉતરતા જ ક્રિકેટના ત્રણેય ફોર્મેટમાં ૧૦૦ મેચ રમનાર પહેલા ભારતીય ખેલાડી બની જશે. આ ઉપરાંત, તેઓ આ દેશ માટે કેપ્ટન રોહિત શર્મા બાદ ૧૦૦ ટી 20 ઇન્ટરનેશનલ મેચ રમનાર બીજા ક્રિકેટર બની જશે. કોહલીએ દેશ માટે અત્યાર સુધી ૧૦૨ ટેસ્ટ, ૨૬૨ વન ડે અને ૯૯ ટી20 મેચ રમી છે. 

આ ઉપરાંત, આજના મુકાબલામાં તેઓ એક હજુ ખાસ ઉપલબ્ધી મેળવવાનાં છે. ઇન્ટરનેશનલ ક્રિકેટમાં અત્યાર સુધી ત્રણેય ફોર્મેટમાં ૧૦૦ કે તેનાથી વધારે મુકાબલા રમવાનો રેકોર્ડ ન્યૂઝીલેન્ડનાં પૂર્વ ક્રિકેટર રોસ ટેલરના નામે છે. આજના મુકાબલા બાદ કોહલી પણ ટેલર સાથે આ ખાસ લીસ્ટમાં સામેલ થઇ જશે. ટેલરે કીવી ટીમ માટે ૧૧૨ ટેસ્ટ મેચ, ૨૩૬ વનડે અને ૧૦૨ ટી20 ઇન્ટરનેશનલ મુકાબલાઓ રમ્યા છે.