વિરાટ કોહલી ટીમ ઇન્ડીયા સાથે ઓસ્ટ્રેલિયા પહોંચી ગયા છે. સુકાની વિરાટ કોહલીએ ઓસ્ટ્રેલિયા પહોંચતાની સાથે જ સોશિયલ મીડિયા પર ટીમના એક મહત્વના ખેલાડી સાથે ફોટો શેર કર્યો છે.
ભારતીય સુકાની વિરાટ કોહલીનો આ ખાસ ખેલાડી બીજો કોઇ નહીં પણ યુવા ભારતીય વિકેટ કિપર અને બેટસમેન ઋષભ પંત છે. કોહલીએ ઓસ્ટ્રેલિયાના મુશ્કેલ પ્રવાસની શરૂઆતના પ્રારંભે પંતની સાથે ફોટો શેર કર્યો.
વિરાટ કોહલીએ આ પોસ્ટ સાથે કેપ્શનમાં લખ્યું છે કે ઓસ્ટ્રેલિયામાં પરત આવીને સારું લાગ્યું. આવતાં થોડા અઠવાડીયા આ ચેમ્પિયન સાથે રહેવા પુરી રીતે તૈયાર છીએ.
ઉલ્લેખનીય છે કે સુકાની વિરાટ કોહલીએ પોતાની ટીમના નવા અને યુવા ખેલાડીઓને હર હંમેશા જુસ્સો વધારે છે જેના કારણે તેના પર કોઇપણ પ્રકારનો દબાવ ન આવે.
આ અગાઉ વેસ્ટ ઇન્ડિઝ સામેની શ્રેણીમાં કોહલીએ યુવા ફાસ્ટ બોલર ખલીલ અહમદ સાથે પોતાનો એક ફોટો સોશિયલ મીડિયા પર પોસ્ટ કરી હતી. જ્યારે તે પહેલા વેસ્ટ ઇન્ડિઝ સામેની ટેસ્ટ શ્રેણીમાં મેન ઓફ ધ સીરીઝ રહેલ પૃથ્વી શોની સાથે કોહલીએ એક ફોટો શેર કર્યો હતો.