ક્રિકેટમાં કેપ્ટન વિરાટ કોહલીનું પ્રદર્શન તેની પત્ની અનુષ્કા શર્મા સાથે એવી રીતે
જોડાય છે કે બધી જ વસ્તુઓ માટે હવે અનુષ્કાને ટ્રોલ કરવામાં આવે છે. તાજેતરમાં
જ્યારે વિરાટ કોહલી દક્ષિણ આફ્રિકા સામેની પ્રથમ ટેસ્ટમાં 5 રનમાં આઉટ થયો હતો
ત્યારે અનુષ્કા શર્માને આજે ફરી એક વાર ટ્રોલ કરવામાં આવી છે. પ્રેક્ષક તરીકે
અનુષ્કા આ મેચમાં હાજર હતા.
અનુષ્કા શિખર ધવનની પત્ની આયેશા ધવન રોહિત શર્માની પત્ની રિતિકા સાધે
ભુવનેશ્વર કુમારની પત્ની નુપુર નાગર અને મુરલી કાર્તિકની વાઇફ નિકિતા સાથે
મેચમાં જોવા મળી હતી. 11 ડિસેમ્બરે ઇટાલીમાં ટસ્કનીમાં લગ્ન બાદ વિરાટ અને
અનુષ્કાએ 21 ડિસેમ્બરના રોજ દિલ્હીમાં રિસેપ્શન આપ્યું હતું અને મુંબઈમાં 26
ડિસેમ્બરે રિસેપ્શન આપ્યું હતું. 27 નવેમ્બરના રોજ અનુષ્કા સમગ્ર ભારતીય ટીમ
સાથે દક્ષિણ આફ્રિકા ગયા હતા.
લગ્ન પછી વિરાટ દક્ષિણ આફ્રિકામાં પ્રથમ શ્રેણી રમી રહ્યો છે જ્યાં અનુષ્કા શર્મા
પણ સાથે આવી છે. જ્યારે વિરાટ માત્ર પાંચ રનમાં આઉટ થયો હતો અનુષ્કાએ
પેવેલિયનમાં ખૂબ નિરાશ દેખાઈ હતી.
એક યુઝરે લખ્યું છે કે થેન્ક ગોડ અનુષ્કાના હોવા છતાં વિરાટે પાંચ રન તો કર્યા.
એક યુઝરે લખ્યું છે કે આને કહેવાય 'શાદી કે સાઈડ-ઇફેકટ્સ'. અન્ય યુઝરે લખ્યું છે
કે હવે કોહલીનું હનીમૂન અધિકૃત રીતે પૂર્ણ થયું છે. એક યુઝરે લખ્યું છે કે વિરાટ
કેપ ટાઉનમાં ક્રિકેટ પર ધ્યાન કેન્દ્રિત કરવું જોઈએ લંચ વખતે અનુષ્કા સાથે ન
ફરવું જોઈએ. તેમાં ફરીથી એક યુઝરે લખ્યું છે કે મહાત્મા ગાંધીને પણ દક્ષિણ
આફ્રિકામાં સંઘર્ષ કરવો પડ્યો હતો વિરાટ કોહલીને પણ કરવું પડશે.