IPL 2022 / VIDEO: કિંગ કોહલીનો આ કેચ જોઈ લોકો સ્તબ્ધ રહી ગયા, 7.5 ફૂટનો માર્યો કૂદકો, અનુષ્કાનું રિએક્શન વાયરલ

• વિરાટ કોહલીએ પકડ્યો શાનદાર કેચ 
• રિષભ પંતને કર્યો આઉટ 
• RCBએ દિલ્લીને આપી માત 

વિરાટ કોહલીએ પકડ્યો શાનદાર કેચ 

IPL 2022માં વિરાટ કોહલીની બેટિંગ ભલે પહેલા જેવી ન જોવા મળી હોય, પરંતુ ફિલ્ડીંગનાં મામલામાં રોયલ ચેલેન્જર્સ બેંગ્લોરના પૂર્વ કેપ્ટને ધમાલ મચાવી છે. દુનિયામાં બેસ્ટ ફિલ્ડર્સમાંના એક માનવામાં આવતા કોહલીએ શનિવારે દિલ્લી કેપિટલ્સનાં કેપ્ટન રિષભ પંતનો એક અદભૂત કેચ પકડ્યો. 

આ દિલ્લીની બેટિંગ દરમિયાનની 17મી ઓવરમાં બન્યું. મોહમ્મદ સિરાજનાં તે ઓવરનાં ત્રીજા બોલને રિષભ પંત યોગ્ય પ્રકારે ન રમી શક્યા. પૂર્વ આરસીબી કેપ્ટન 30-યાર્ડ સર્કલની બહાર જ ઊભો હતો અને એવું લાગતું હતું કે બોલ કોહલીની ઉપર જશે, પરંતુ કોહલીએ છલાંગ મારીને એક હાથથી કેચ પકડી લીધો હતો. ત્યાર બાદ અનુષ્કા પણ સ્માઈલ કરતી જોવા મળી. 

રિષભ પંતની વિકેટથી RCBની જીતની આશા વધી ગઈ હતી અને RCBએ 16 રનથી જીત મેળવી નહીતર પંત જે પ્રકારે બેટિંગ કરી રહ્યા હતા, તે સરળતાથી દિલ્લીને જીત અપાવી શક્યા હોત. પંતે માત્ર 17 બોલ્સ પર 34 રન બનાવ્યા, જેમાં 3 ચોક્કા અને 2 સિક્સર સામેલ છે. 

Virat plucks a mango out of thin air @imVkohli 🥵🥵 pic.twitter.com/mL4aCk0uwh

— HARDER🦹‍♂️ (@TArak_KOhli) April 16, 2022

કોહલીએ બનાવ્યા માત્ર 12 રન 
દિલ્લી સામે મેચમાં વિરાટ કોહલી ખાસ રન બનાવી શક્યા નહીં. કોહલીને લલિત યાદવે એક ડાયરેક્ટ થ્રો પર રન આઉટ કરી મુક્યા. આઉટ થતા પહેલા કોહલીએ 14 બોલમાં 12 રન બનાવ્યા હતા. કોહલી બીજી વાર આ IPL સીઝનમાં રન આઉટ થયા છે. આ પહેલા રાજસ્થાન રોયલ્સ સામે મેચમાં કોહલી સ્પીન બોલર યુજ્વેન્દ્ર ચહલનાં થ્રો પર રન આઉટ થયા હતા. 

કોહલીનાં નામે સૌથી વધારે રન 
વિરાટ કોહલી IPLમાં ઈતિહાસનાં સૌથી વધારે રન બનાવનાર બેટ્સમેન છે. કોહલીએ અત્યાર સુધી 213 મેચમાં 37ની સરેરાશે 6402 રન બનાવ્યા છે. આ દરમિયાન તેમણે 42 અડધી સદી અને 5 સદી ફટકારી છે. જોકે હાલની સીઝનમાં કોહલી અત્યાર સુધીમાં એક વાર પણ 50નો આંકડો સ્પર્શી શક્યા નથી.