વિરાટ કોહલી અને અનુષ્કા શર્માની જોડી ખૂબ જ પોપ્યુલર છે. આ કપલ પણ લોકડાઉન હોવાને કારણે ઘરમાં સાથે ક્વોલિટી ટાઈમ સ્પેન્ડ કરી રહ્યો છે. ત્યારે સોશિયલ મીડિયા પર તેમની શાનદાર બોન્ડિંગની તસવીરો અને વીડિયો સામે આવતા રહે છે. 1 મેએ અનુષ્કા શર્માએ પોતાનો 32મો જન્મદિવસ સેલિબ્રેટ કર્યો અને ખાસ દિવસ પર વિરાટ કોહલીએ પત્નીને ખાસ અંદાજમાં વિશ કર્યું.
વિરાટ અને અનુષ્કા લોકડાઉનમાં ક્વોલિટી ટાઈમ સ્પેન્ડ કરી રહ્યાં છે
વિરાટે વાઈફ અને બર્થડે ગર્લ અનુષ્કા શર્મા સાથે તેની એક તસવીર શેર કરી છે. તસવીરમાં બંને એકબીજા સાથે વાતચીત કરતાં જોવા મળી રહ્યાં છે. વિરાટે તસવીરની સાથે એક ઈમોશનલ કેપ્શન પણ આપ્યું છે. જેમાં લખ્યું છે- મારી વહાલી તૂ મારી દુનિયામાં અજવાળું લઈને આવી અને રોજ મારા જીવનમાં અજવાળું વિખેર્યું. હું તને ખૂબ જ પ્રેમ કરું છું. બંનેની આ તસવીર સોશિયલ મીડિયા પર ખૂબ વાયરલ થઈ રહી છે.
તસવીરમાં અનુષ્કા વ્હાઈટ ડ્રેસમાં જોવા મળી રહી છે. જ્યારે વિરાટે બ્લેક ટીશર્ટ અને ખાખી કલરનું ટ્રાઉઝર પહેર્યું છે. બંનેએ આ બર્થડે સેલિબ્રેશનની એકદમ સિમ્પલ રીતે સેલિબ્રેટ કર્યો. લોકડાઉનને કારણે બંને ઘરમાં જ સાદાઈથી બર્થડે સેલિબ્રેટ કર્યો.
વર્ક ફ્રંટની વાત કરીએ તો અનુષ્કા શર્મા લોકડાઉન પહેલાંથી બ્રેક પર છે. તેની છેલ્લી ફિલ્મ ઝીરો હતી જે 2018માં રિલીઝ થઈ હતી. એ પછી તેણે કોઈ જ ફિલ્મ કરી નથી અને હાલ તેણે કોઈ ફિલ્મ સાઈન પણ નથી કરી. જ્યારે વિરાટ કોહલી પણ હાલ ઘરમાં જ છે.