ટીમ ઇન્ડિયાના કેપ્ટેન કોહલી IPLમાં પોતાની ટીમ રોયલ ટેલેન્જર્સ બેંગ્લોર માટે 200 મૅચ રમી ચૂક્યો છે. કોહલીએ હાલમાં જ RCBની કપ્તાની છોડવાનો નિર્ણય કર્યો છે.
RCB છોડશે વિરાટ કોહલી
આ ટીમમાં સામેલ થવાની શક્યતા
ડેલ સ્ટેને કરી વિરાટ ભવિષ્યવાણી
કઇ ટીમ માટે રમશે કોહલી
RCB તરફથી IPL રમી ચૂકેલા સાઉથ આફ્રીકાના દિગ્ગજ ડેલ સ્ટેને કહ્યું કે કોહલી જો ટીમ છોડશે તો એક ટીમ તેને પોતાની ટીમમાં જગ્યા આપશે. તે ટીમ બીજી કોઇ નહી પરંતુ દિલ્હી કેપિટલ્સ છે. એક ઇન્ટરવ્યૂમાં ડેલ સ્ટેને કહ્યું કે ફરક નથી પડતો કે તમે કેટલા મોટા ખેલાડી છો પરંતુ તમે પોતાને આગળ વધતા જોઇ શકો છો. આપણે ક્રિસ ગેલને ટીમ છોડીને જતાં જોયો છે.
કોહલીને લઇને ભવિષ્યવાણી
ડેલ સ્ટેને કહ્યું કે, આપણે જોયું છે ડેવિડ બેકહમે માન્ચેસ્ટર છોડી દીધું. આ બધા દિગ્ગજ ખેલાડીઓ પોતાના ક્લબ તરફથી રમ્યા અને પછી છોડીને જતાં રહ્યાં. વિરાટ કોહલી દિલ્હીથી છે અને તેની પાસે દિલ્હી કેપિટલ્સની ટીમ છે. માટે તે ટીમમાં સામેલ થાય તેવી સંભાવનાઓ છે.
6000થી વધારે IPL રન બનાવી ચૂક્યો છે કોહલી
મહત્વનું છે કે વિરાટ કોહલીએ RCB તરફથી અત્યાર સુધી 6000થી વધારે રન બનાવ્યા છે સાથે જ 2013થી અત્યાર સુધી ટીમનો કપ્તાન પણ રહી ચૂક્યો છે. KKR વિરુદ્ધ સોમવારે રમાયેલી મૅચમાં RCB 19 ઓવરમાં 92 જ રન બનાવી શકી હતી. KKRએ શુભમન ગિલ અને વેંકટેશ ઐયરના કારણે આ લક્ષ્યને 10 ઓવરમાં જ હાંસલ કરી લીધો હતો.
3 ખેલાડી બની શકે છે RCBના કેપ્ટન
રોયલ ચેલેન્જર્સ બેંગ્લોર (RCB)એ વિરાટ કોહલીનો એક વીડિયો શેર કર્યો છે જેમાં તેમણે જણાવ્યું છે કે કેપ્ટનની રીતે 2021 આઈપીએલ તેમની છેલ્લી સીઝન હશે. વિરાટ 7 વર્ષથી આરસીબીના કેપ્ટન છે. પરંતુ તેમની કેપ્ટનશીપમાં આ ફ્રેન્ચાઈઝી ટીમ એક પણ આઈપીએલ સીઝન નથી જીતી શકી. વિરાટ કોહલીએ કેપ્ટનશીપ છોડ્યા બાદ એવા 3 ખેલાડીઓ છે જે RCBના કેપ્ટન બની શકે છે.
એબી ડિવિલિયર્સ
દક્ષિણ આફ્રિકાના પૂર્વ કેપ્ટન એબી ડિવિલિયર્સ વિરાટ કોહલીની કેપ્ટનશીપ છોડ્યા બાદ આવતા સીઝનમાં RCBના કેપ્ટન બની શકે છે.
ગ્લેન મેક્સવેલ
ઓસ્ટ્રેલિયાઈ ઓલરાઉન્ડર ગ્લેન મેક્સવેલને આ વર્ષે RCB ટીમમાં શામેલ કરવામાં આવ્યા હતા. જેથી ડિવિલિયર્સની સાથે એક વધુ વિસ્ફોટક બેસ્ટમેન હોવાથી ટીમને મજબૂતી મળે. ગ્લેન મેક્સવેલ આ પહેલા કિંગ્સ ઈલેવન પંજાબની કેપ્ટનશીપ કરી ચુક્યા છે.
દેવદત્ત પડિક્કલ
RCBના યુવા બેસ્ટમેન દેવદત્ત પડિક્કલ પણ કેપ્ટનશીપની રેસમાં છે. આરસીબીના સલામી બેસ્ટમેન દેવદત્ત પડિક્કલનો રેકોર્ડ ખૂબ જ શાનદાર રહ્યો છે. આરસીબી દેવવત્ત પડિક્કલને મોટી જવાબદારી શોપવામાં આવી શકે છે.