કોરોના મહામારીની જંગમાં ટીમ ઈન્ડિયાના કેપ્ટન વિરાટ કોહલી અને તેની પત્ની અનુષ્કા શર્મા ફરી એકવાર મદદ માટે આગળ આવ્યા છે. આ વખતે તેમણે મુંબઈ પોલીસના કલ્યાણ માટે પત્ની અનુષ્કા શર્મા સાથે મળીને આ નેક કામ કર્યું છે.
મુંબઈ પોલીસ આયુક્ત પરમબીરે શનિવારે જણાવ્યું કે, ભારતીય ક્રિકેટ ટીમના કેપ્ટન વિરાટ કોહલી અને તેમની પત્ની અનુષ્કા શર્માએ મુંબઈ પોલીસ માટે પાંચ-પાંચ લાખ રૂપિયા દાનમાં આપ્યા છે. પોલીસ કમિશ્નર પરમબીર સિંહે તેમના ઓફિશિયલ ટ્વિટર એકાઉન્ટ પરથી ટ્વિટ કરીને લખ્યું- વિરાટ કોહલી અને અનુષ્કા શર્માએ મુંબઈના પોલીસકર્મીઓના કલ્ણાય હેતુથી પાંચ-પાંચ લાખ રૂપિયા યોગદાન આપવા બદલ આભાર. તમારો યોગદાન કોરોના વાયરસ સામેની લડાઈમાં મુંબઈ પોલીસની મદદ કરશે.
Thank you, @imVkohli and @AnushkaSharma for contributing Rs. 5 lacs each towards the welfare of Mumbai Police personnel.
Your contribution will safeguard those at the frontline in the fight against Coronavirus.#MumbaiPoliceFoundation
આ પહેલાં પણ કોહલી અને અનુષ્કાએ કોરોના સામેની લડાઈમાં પીએ રિલીફ ફંડ અને મહારાષ્ટ્ર પીએમ રિલીફ ફંડમાં દાન કર્યું હતું, પરંતુ કેટલા રૂપિયા દાન કર્યા તેની જાહેરાત કરી નહોતી. માત્ર વિરાટ જ નહીં પણ ક્રિકેટ અને બોલિવૂડ જગતની અન્ય હસ્તીઓ પણ દિલ ખોલીને દાન કરી ચૂકી છે. રોહિત શર્મા અને અંજિક્ય રહાણે સહિતના ઘણાં નાના-નાના ખેલાડીઓએ પણ પોતાની હસ્તી પ્રમાણે દાન આપ્યું છે.
તમને જણાવી દઈએ કે, વિરાટ અને અનુષ્કા દાન આપવાની સાથે સતત લોકોમાં જાગરૂકતા પણ ફેલાવવામાં મદદ કરી રહ્યાં છે. જેથી લોકો આ વાયરસથી બચીને રહી શકે. આ કપલ હાલ ઘરમાં જ એકબીજાની સાથે સમય પસાર રહ્યું છે. વિરાટ અને અનુષ્કા અવારનાવર સોશિયલ મીડિયા પર તેમના ફોટોઝ અને વીડિયો શેર કરતાં રહે છે. જે ફેન્સને ખૂબ જ પસંદ આવે છે.