ક્રિકેટ / વિરાટ કોહલી પુત્ર અકાય સાથે દુકાનમાં ફૂલ ખરીદતો જોવા મળ્યો, જુઓ વીડિયો

Virat Kohli shopping in London: વિરાટ કોહલી હાલમાં પરિવાર સાથે લંડનમાં રજાઓ માણી રહ્યો છે. લંડનથી તેનો એક વીડિયો સોશિયલ મીડિયા પર વાયરલ થયો છે જેમાં એક દુકાનમાં ફૂલોની ખરીદી કરી રહ્યો છે. તેનો પુત્ર અકાય પણ વિરાટના ખોળામાં છે.

એક તરફ ટીમ ઈન્ડિયાના નવા ટી-20 કેપ્ટનને લઈને દેશમાં એક મોટું પ્રશ્નાર્થ ચિન્હ છે તો બીજી તરફ વિરાટ કોહલી આ બધાથી દૂર છે અને લંડનમાં પરિવાર સાથે રજાઓ માણી રહ્યો છે. વિરાટ કોહલી લંડનની સડકો પર સામાન્ય માણસની જેમ ફરે છે અને મોટી વાત એ છે કે તેનો પુત્ર અકાય અને પત્ની અનુષ્કા પણ તેની સાથે છે.

સોશિયલ મીડિયા પર વિરાટનો એક વીડિયો વાયરલ થઈ રહ્યો છે જેમાં તે ફૂલની દુકાન પર ઉભો છે. તેના ખોળામાં તેનો પુત્ર અકાય છે અને તે ફૂલોની ખરીદી કરી રહ્યો છે. અનુષ્કા શર્મા પણ ફૂલોની ખરીદીમાં વ્યસ્ત છે.

વિરાટ સામાન્ય માણસની જિંદગી જીવી રહ્યો છે

વિરાટ કોહલીએ એક ઈન્ટરવ્યુમાં કહ્યું હતું કે તે સામાન્ય માણસની જેમ જીવન જીવવા માંગે છે. તેણે ગૌરવ કપૂરને કહ્યું હતુ કે તે ક્યારેય ભારતના રસ્તાઓ પર ચાલ્યો નથી અને તેની માટે તરસી રહ્યા છે. હવે ભારતમાં આ વાત લગભગ અશક્ય છે પરંતુ વિરાટ કોહલી આ કામ લંડનમાં કરી રહ્યો છે. વિરાટ કોહલી પોતાનો મોટાભાગનો સમય લંડનમાં વિતાવે છે. તેમના પુત્ર અકાયનો જન્મ લંડનમાં થયો હતો. T20 વર્લ્ડ કપનો ખિતાબ જીત્યા બાદ વિરાટ કોહલીએ પહેલા મુંબઈમાં ટીમ સાથે ઉજવણી કરી અને પછી લંડન ગયો છે.

વધું વાંચોઃ હરિયાણા સરકારની મોટી જાહેરાત, અગ્નિવીરોને પોલીસ અને માઈનિંગ ગાર્ડની ભરતીમાં આટલા ટકા અનામત

કીર્તનમાં જોવા મળ્યો વિરાટ

વિરાટ કોહલી લંડનમાં શોપિંગ ઉપરાંત ધાર્મિક સ્થળો પર પણ જોવા મળે છે. હાલમાં જ તે અનુષ્કા સાથે કિર્તનમાં બેઠો હતો. તમને જણાવી દઈએ કે વિરાટ કોહલી છેલ્લા 2-3 વર્ષમાં ખૂબ જ ધાર્મિક બની ગયો છે. તેમના ફોનના વોલપેપરમાં નીમ કરૌલી બાબાની તસવીર પણ દેખાઈ રહી છે. વિરાટના ફેન્સ તેમના સુપરસ્ટારની રાહ જોઈ રહ્યા છે. એવું કહેવામાં આવી રહ્યું છે કે વિરાટ કોહલી શ્રીલંકા પ્રવાસ પર નહીં જાય, તેથી તેનો અર્થ એ છે કે આ ખેલાડી હવે બાંગ્લાદેશ સામેની ટેસ્ટ શ્રેણીમાં જોવા મળી શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ