ટીમ ઇન્ડિયા અને શ્રીલંકાની વચ્ચે T-20 સીરિઝની બીજી મેચ ઇંદોર ખાતે રમાઇ રહી છે. જોકે આ મેચની શરૂઆત પહેલા વિરાટ કોહલીનો એક વીડિયો સોશ્યલ મીડિયા પર ખૂબજ વાયરલ થઇ રહ્યો છે જેમાં તે દિગ્ગજ ઑફ સ્પિનર હરભજન સિંહની બોલિંગ એક્શનની કૉપી કરી રહ્યો છે.
ટીમ ઇન્ડિયા અને શ્રીલંકા વચ્ચે રમાઇ રહી છે બીજી T-20
મેચ શરૂ થતા પહેલા કેપ્ટન વિરાટે કરી હરભજન સિંહની બૉલિંગની કૉપી
સોશ્યલ મીડિયા પર વાયરલ થઇ રહ્યો છે વીડિયો
મંગળવારે મેચ પહેલા ટીમ ઇન્ડિયાના કેપ્ટન વિરાટ કોહલી હરભજન સિંહની બૉલિંગનો કૉપી કરી રહ્યો છે જેને જોઇને ભજ્જી પણ પોતાનું હસવાનું રોકી શકતો નથી. જી હા, મેચ શરૂ થયા પહેલા વૉમ અપ દરમિયાન વિરાટ કોહલી ભજ્જીની બૉલિંગ એક્શનની નકલ કરતો જોવા મળી રહ્યો છે.
ઉલ્લેખનીય છે કે, ટીમ ઇન્ડિયા અને શ્રીલંકા વચ્ચેની પહેલી T-20 મેચ જે ગુવાહાટી ખાતે રમાવવાની હતી તે વરસાદને કારણે રદ્દ થઇ ગઇ હતી. તો હવે જોવાનું રહ્યુ કે, બાકીની 2 મેચમાં કઇ ટીમ આ T-20 સીરિઝ પોતાના નામે કરે છે.