વિવાદ / ભારતની જીત બાદ કોહલીએ 'પીપૂડી વગાડી' તો થઈ ગઈ બબાલ, ઈંગ્લેન્ડના લોકોએ કહ્યું કંઈ ક્લાસ જેવુ છે કે નહીં

• ભારત અને ઈંગ્લેન્ડ વચ્ચે ઓવલમાં ટેસ્ટ 
• ભારતની શાનદાર જીત બાદ કોહલીએ મનાવ્યો જશ્ન 
• કોહલીએ બાર્મી આર્મીને ટ્રોલ કરતાં પોઝ આપ્યા, જે બાદ ઊભો થયો વિવાદ 

શું છે સમગ્ર મામલો 
ભારત અને ઈંગ્લેન્ડ વચ્ચેની મેચમાં ભારતનો વિજય થયા બાદ કોહલીએ પીપૂડી વગાડવાના ઈશારા કરીને ઈંગ્લેન્ડ ક્રિકેટની ફેન આર્મી એટલે કે  બાર્મી આર્મીને ટ્રોલ કરી. અત્યાર સુધી કોહલી ઘણીવાર બોલર્સને તેમની ભાષામાં જવાબ આપી ચૂક્યા છે પરંતુ હવે ફેન્સને પણ કોહલીએ નિશાને લેતા સોશ્યલ મીડિયામાં વિવાદ ઊભો થયો છે. ઘણા લોકો કોહલીનો સાથ આપી રહ્યા છે જ્યારે ઘણા લોકો કોહલીને આવું ન કરવા માટે શિખામણ આપી રહ્યા છે. 

Yes we know you want to be in the army Virat. We get the hint 🤣🤝#ENGvIND pic.twitter.com/lFCk8FCCte

— England's Barmy Army (@TheBarmyArmy) September 6, 2021

કોહલીએ  બાર્મી આર્મીને જબરી ટ્રોલ કરી 
ભારતીય ક્રિકેટ કેપ્ટન વિરાટ કોહલી ઘણીવાર પૂરા જોશમાં મેદાનમાં રમતની મજા લેતા નજરે પડે છે. કોહલી દર્શકોને પણ જવાબ આપે છે. ભારત અને ઈંગ્લેન્ડ મેચમાં ઓવલનાં મેદાન બાદ કોહલીએ ઈંગ્લેન્ડની બાર્મી આર્મીને ટ્રોલ કરી. જે બાદ સોશ્યલ મીડિયામાં કોહલીની ખૂબ ચર્ચા થઈ રહી છે. ઘણા લોકો કોહલીનું સમર્થન કરી રહ્યા છે જ્યારે ઘણા લોકો કોહલીને આ હરકત બદલ ટ્રોલ પણ કરી રહ્યા છે. 

Yea it doesn’t look good for him! No need

— Nick Compton (@thecompdog) September 6, 2021

ઘણા લોકોએ કોહલીને ક્લાસ યાદ અપાવ્યો
ઈંગ્લેન્ડની હાર બાદ કોહલીએ જે રીતે જશ્ન મનાવ્યો તે બાદ ઈંગ્લેન્ડનાં ઘણા બધા ક્રિકેટરસીયાઓ અને પત્રકારો કોહલીને નિશાને લઈ રહ્યા છે. ઘણા લોકો કહી રહ્યા છે કે કોહલીએ જે કર્યું તે ક્લાસલેસ છે. જોકે સોશ્યલ મીડિયામાં કોહલીનાં સમર્થનમાં પણ કેટલાક લોકો આવી ગયા છે. 

લોકોએ કોહલીને ટ્રોલ કર્યા 
ઈંગ્લેન્ડનાં અખબાર ડેલી મેલનાં ક્રિકેટ પત્રકારે ટ્વિટ કરીને કહ્યું કે મજા આવી ગઈ, કોહલી તો મેદાનમાં ઈંગ્લેન્ડના ફેન્સને નિશાને લેવાનો મોકો ન ચૂક્યા. જોકે બાદમાં પત્રકારને ખૂબ ટ્રોલ કરવામાં આવ્યો તો તેમણે ફરી ટ્વિટ કરીને કહ્યું કે હું સ્પષ્ટતા કરવા માંગુ છું કે મને આ બિલકુલ પસંદ આવ્યું નથી. આ ખૂબ અજીબ લાગી રહ્યું છે જ્યાં એક ઉચ્ચ કક્ષાનો ખેલાડી ફેન્સ સાથે પંગો લઈ રહ્યો છે. બાર્મી આર્મીએ ટ્વિટર પર કોહલીને નિશાને લેતા કહ્યું કે હા હા, અમને ખબર છે કે તમારે પણ આર્મીમાં સામેલ થવું છે વિરાટ. અમને ઈશારો મળી ગયો છે. 

ભારતની શાનદાર જીત 
નોંધનીય છે કે ભારત અને ઈગ્લેંડ વચ્ચે ટેસ્ટ સીરિઝ ચાલી રહી છે જેમા ભારતે ખૂબ જ જોરદાર કમબેક કરી બતાવ્યું અને ઈંગ્લેન્ડને 210 રન પર ઓલ આઉટ કરીને 157 રને મેચ જીતી. ભારતે સીરિઝમાં 2-1થી લીડ બનાવી લીધી છે.