ટ્રોલ / દિવાળી ઉજવવાને લઈને કોહલીએ શેર કર્યો VIDEO, બોલી ગયો એવું કે સોશ્યલ મીડિયામાં થયો ટ્રોલ

• વિરાટ કોહલીએ ટ્વિટર એકાઉન્ટ પર શેર કર્યો વીડિયો
• આગામી તહેવાર દિવાળીને લઇ એક વીડિયો પોસ્ટ કર્યો
• વિરાટ કોહલીએ પ્રશંસકોની નારાજગીનો સામનો કર્યો

વિરાટ કોહલીએ ટ્વિટર એકાઉન્ટ પર વીડિયો પોસ્ટ કર્યો

વિરાટ કોહલીએ દિવાળી અને ફટાકડાને લઇને એક વીડિયો પોતાના સત્તાવાર સોશિયલ મીડિયા એકાઉન્ટ પર શેર કર્યો છે. ત્યારબાદ તેમને પ્રશંસકોની નારાજગીનો સામનો કરવો પડ્યો. ફટાકડા ના ફોડવાને લઇને વિરાટ કોહલી દ્વારા અપાયેલા જ્ઞાન પર તેમના ચાહકો નારાજ છે. વિરાટ કોહલીએ ટ્વિટર પર આગામી તહેવાર દિવાળીને લઇ એક વીડિયો પોસ્ટ કર્યો છે. જેમાં વિરાટ કોહલીએ કહ્યું કે, આ વર્ષ વિશ્વભરના લોકો માટે અને ખાસ કરીને ભારતીયો માટે મુશ્કેલીભર્યુ રહ્યું છે. તેથી આપણે બધા દિવાળીની આતુરતાપૂર્વક રાહ જોઈ રહ્યાં છે.

Over the next few weeks, I'll be sharing a series of my personal tips for celebrating a meaningful Diwali with loved ones and family. Stay tuned by following my Pinterest profile 'viratkohli' - link in bio 🪔@Pinterest#diwali2021 #AD pic.twitter.com/KKFxyK3UTG

— Virat Kohli (@imVkohli) October 17, 2021

પ્રશંસકોએ વિરાટ કોહલીને ટ્રોલ કર્યા

વીડિયોને શેર કરતા વિરાટ કોહલીએ લખ્યું, આગામી થોડા અઠવાડિયામાં હું પ્રિયજનો અને પરિવારની સાથે એક સાર્થક દિવાળી મનાવવા માટે અંગત સુચનોની એક સીરીઝ શેર કરીશ. વિરાટે પહેલાં પણ ફટાકડા વગરની પોલ્યુશન ફ્રી દિવાળીનું સમર્થન કર્યુ છે. એવામાં વિરાટે આ વીડિયો પોસ્ટ કર્યા બાદ પ્રશંસકોએ તેમને સોશિયલ મીડિયામાં ટ્રોલ કરવાનું શરૂ કર્યુ છે. હાલમાં વિરાટ કોહલીનો આ વીડિયો તેમના ચાહકોને પસંદ આવ્યો નથી.