વિરાટ કોહલી સતત બીજા વર્ષે બન્યો સૌથી વધારે કમાણી કરનારો ભારતીય સેલિબ્રિટી

હજુ ઓસ્ટ્રેલિયાને એની જ જમીન પર 71 વલર્ષ બાદ હરાવ્યાની ખુશી પૂર્ણ થઇ નથી તો વિરાટ કોહલી માટે એક સારા સમાચાર છે. મળતી માહિતી અનુસાર ભારતીય કેપ્ટન વિરાટ કોહલી જાહેરાત જગતમાં સૌથી વધારે કમાણી કરનારો ભારતીય સેલિબ્રિટી બની ગયો છે. 

બ્રાન્ડ વેલ્યૂના મામલે આ બેટ્સમેને તમામ દિગ્ગજ અભિનેતાઓને પછાડી દીધા છે. 2018માં એની બ્રાન્ડ વેલ્યૂ 1200 કરોડ રૂપિયા રહી. આ મામલે શાહરૂખ ખાન સલમાન ખાન અક્ષય કુમાર અને અમિતાભ બચ્ચને એનાથી ઘણા પાછળ છે. 

Duff & Phelps ની Celebrity Brand Valuation રિપોર્ટ 'The Bold the Beautiful and the Brilliant'અનુસાર આ યાદીમાં ઉચ્ચ 20 સેલિબ્રિટીસની બ્રાન્ડ વેલ્યૂ આશરે 62 હજાર કરોડ રહી એમાં ટોપ 10 સેલિબ્રિટીઝની ભાગીદારી આશરે 75 ટકા છે. 

બ્રાન્ડ વેલ્યૂના મામલે ઉચ્ચ 20 સેલિબ્રિટીમાં બોલીવુડ સિતારોનો દબદબો છે પરંતુ સ્પોર્ટ્સ પ્લેયર્સથી એમને તગડી હરિફાઇ મળી રહી છે. વિરાટ કોહલી તો પહેલા સ્થાને છે જ એની સાથે જ સચિન તેંડુલકર એમએસ ધોની પીવી સિંધુની કુલ બ્રાન્ડ વેલ્યૂ 1700 કરોડ રૂપિયા છે. આ ટોપ 20 સેલિબ્રિટીઝની કુલ બ્રાન્ડ વેલ્યૂની 27 ટકા છે. 
 
વિરાટ કોહલી સતત બીજા વર્ષે ટોપ પોઝિશન પર યથાવત છે. 2017ની સરખામણીએ એમની બ્રાન્ડ વેલ્યૂ 2018માં 18 ટકા વધી. 2017માં અનુષ્કા સાથે લગ્ન બાદ વિરાટની બ્રાન્ડ વેલ્યૂ વધારે વધી ગઇ. આ સેલિબ્રિટી કપલ આશરે 40 બ્રાન્ડ એન્ડોર્સ કરે છે. એમાં Head and Shoulders Pepsi Manyavar Celkon Boost Audi Fastrack Gionee Wrogn અને Polaroid સામેલ છે.