ખુલાસો / વિરાટ કોહલીએ અનુષ્કા શર્મા સાથે પહેલી મુલાકાતમાં જ કરી દીધી હતી આટલી મોટી ભૂલ

ભારતીય કેપ્ટન વિરાટ કોહલી અને અનુષ્કા શર્માની વચ્ચે કેટલો પ્રેમ છે, એ તો દરેક લોકો જાણે છે. કંઇ પણ કહ્યા વગર બંને એકબીજાની વાત સમજી જાય છે. 

ભારતીય ક્રિકેટ ટીમ કેપ્ટન વિરાટ કોહલી અને એક્ટ્રેસ અનુષ્કા શર્માની મુલાકાત એક જાહેરાત દરમિયાન થઇ હતી અને પછી બંને મિત્રો બન્યા. 

ત્યારબાદ મિત્રતાએ પ્રેમનું રૂપ લીધું. આ જોડી દરેક સમયે એકબીજા સાથે ઊભી રહે છે. કોહલી પણ અનુષ્કા શર્માની દરેક વાતનું સમ્માન કરે છે. 

વિરાટનું માનવું છે કે અનુષ્કાના આવવાથી મારી પૂરી લાઇફ બદલાઇ ગઇ, આજે બંનેની વચ્ચે જેટલી સારી કેમેસ્ટ્રી જોવા મળે છે. પરંતુ શું તમે જાણો છો કે અનુષ્કા શર્માથી મળતા પહેલા વિરાટ કોહલી ખૂબ નર્વસ હતો. 

આ કારણે એને અનુષ્કા શર્માને એક ખોટી વાત કહી દીધી હતી. ખુદ વિરાટ કોહલીએ એક ટીવી શો માં એનો ખુલાસો કર્યો. ટીવી શો 'ઇન ડેપ્થ વિથ ગ્રેહમ બેનસિંગર' માં કોહલીએ કહ્યું કે જ્યારે તે પહેલી વખત અનુષ્કા શર્માને મળ્યો તો એ ખૂબ જ નર્વસ હતો અને એને જાણ નહતી કે શું કરવાનું છે. પોતાના ડરને છુપાવવા માટે એક જોક સંભળાવી દીધી. 

હીલ્સ માટે કહી હતી આવી વાત 
પહેલી વાતચીત માટે પૂછવા પર કોહલીએ કહ્યું કે એને જે કહ્યું હતું એ કદાચ કહેવું યોગ્ય નહતું. કોહલીએ ખુલાસો કર્યો કે એ સમયે અનુષ્કા હીલ્સ પહેરીની સેટ પર પહોંચી હતી, જેના કારણે તે વિરાટ કરતાં પણ લાંબી લાગી રહી હતી. 

જેની પર કોહલીએ કહ્યું કે શું તમને એના કરતા પણ ઊંચી હીલ્સ મળી નહીં. એના મોઢેથી આ વાત સાંભળીને અનુષ્કાએ કહ્યું કે 'એક્સક્યૂઝ મી'. જેની પર વાત સંભાળતા વિરાટ કોહલીએ કહ્યું કે એ માત્ર મજાક કરી રહ્યો હતો. ભારતીય કેપ્ટને કહ્યું કે એની એ મજાક એ સમયે ઘણી અજીબ થઇ ગઇ હતા. એક મજાકની સાથે શરૂ થયેલી એની મિત્રતાએ 2017માં રિલેશનનું નામ લઇ લીધું હતું.