ટીમ ઇન્ડિયાના કેપ્ટન વિરાટ કોહલ અને બોલિવુડ એક્ટ્રેસ અનુષ્કા શર્મા ચર્ચિત કપલમાંથી એક છે બંને સતત ચર્ચામાં રહેતા હોય છે.
આ સિવાય પણ કપલ પોતાના વેકેશન્સના ફોટોઝ અને વીડિયોઝ પોતાના ઑફિશ્યલ સોશ્યલ મીડિયા એકાઉન્ટ પર શૅર કરતુ રહે છે. વિરાટ કોહલી વર્લ્ડ કપ માટે ઇંગ્લેન્ડ જતા પહેલા અનુષ્કા શર્મા સાથે ક્વૉલિટી ટાઇમ વીતાવવા માટે મિની વેકેશન પર ગયો હતો.
તાજેતરમાં જ વર્લ્ડ કપમાં ભાગ લઇ રહેલી તમામ 10 ટીમોના કેપ્ટની એક પ્રેસ કોન્ફરન્સ દરમિયાન વિરાટને પૂછવામાં આવ્યુ કે, ''લગ્ન પછી શું બદલાવ આવ્યો?'', જેના પછી વિરાટ કોહલીએ કહ્યુ કે, ''હું વધારે જવાબદાર થઇ ગયો છું જે મને સારો કેપ્ટન બનાવવામાં મદદ કરે છે. મારી કેપ્ટન્સીમાં બદલાવ આવ્યો છુ, હું એક સારો વ્યકિત અને ખેલાડી બની શક્યો છું.''
ઉલ્લેખનીય છે કે, અનુષ્કાની બર્થ ડે પર વિરાટે ડિનરની પ્લાનિંગ કરી હતી અને જેની ફોટો અને વીડિયોઝ પણ સોશ્યલ મીડિયા પર શૅર કર્યો હતો.