કેપ્ટન તરીકે પોતાની 50મી ટેસ્ટ રમવા માટે આવેલા વિરાટ કોહલીએ સેન્ચુરી કરી. ટીમ ઇન્ડિયાનો કેપ્ટન 10 ઇનિંગ્સ પછી સેન્ચુરી કરવા માટે સફળ રહ્યો. આ તેના કરિયરની 26મી ટેસ્ટ સેન્ચુરી છે. આ પહેલા તેણે ડિસેમ્બર 2018ના પર્થ ટેસ્ટ દરમિયાન સેન્ચુરી કરી હતી.
સાઉથ આફ્રિકા વિરુદ્ઘ ચાલી રહેલી 3 મેચની ટેસ્ટ સીરિઝની બીજી મેચમાં તેણે 173 બૉલમાં સેન્ચુરી કરી, જેમાં 16 બાઉન્ડ્રી શામેલ છે. કેપ્ટન તરીકે સર્વાધિક સેન્ચુરીના મામલામાં વિરાટ કોહલીએ પૂર્વ ઓસ્ટ્રેલિયન બેટ્સમેન રિકી પોન્ટિંગની બરાબરી કરી દીધી છે. આ બંનેના નામ પર હવે 19-19 સેન્ચુરી છે. પૂર્વ સાઉથ આફ્રિકાના કેપ્ટન ગ્રીમ સ્મિથ 25 સેન્ચુરીની સાથે ટૉપ પર છે.
ટેસ્ટ ક્રિકેટમાં સૌથી ઓછી ઇનિંગમાં 26 સેન્ચુરી કરનારની વાત કરવામાં આવે તો વિરાટ ડૉન બ્રેડમેન, સ્ટીવ સ્મિથ અને સચિન તેંડુલકર પછીના સ્થાને આવે. બ્રેડમેને 69, સ્મિથે 121 અને સચિને 136, જ્યારે વિરાટ કોહલીએ 138 ઇનિંગમાં 26 સેન્ચુરી કરી છે.
આ સિવાય ટીમ ઇન્ડિયાના કેપ્ટન વિરાટ કોહલી ગુરુવારે પૂને ગ્રાઉન્ડ પર ટૉસ જીતીને પહોંચ્યા તો તેણે એક વધુ ઉપલબ્ધિ પોતાના નામે કરી. વિરાટ કોહલી હવે ટીમ ઇન્ડિયાની બીજા એવા કેપ્ટન બની ગયા છે, જેમણે 50 ટેસ્ટ મેચમાં ટીમ ઇન્ડિયાની કેપ્ટન્સી કરી હોય. વિરાટના પહેલા પૂર્વ કેપ્ટન મહેન્દ્ર સિંહ ધોની એક માત્ર કેપ્ટન રહ્યો, જેણે 50 થી વધુ ટેસ્ટ મેચમાં ટીમ ઇન્ડિયાની કેપ્ટન્સી કરી હોય.
કેપ્ટન્સીમાં હાફ સેન્ચુરી કરનારા વિરાટ કોહલી દુનિયાના 14માં અ ને બીજો ભારતીય કેપ્ટન છે. આ ટેસ્ટ મેચ પહેલા વિરાટ ભારતીય કેપ્ટનોની યાદીમાં સૌરભ ગાંગુલીની સાથે સંયુક્ત રૂપથી બીજા સ્થાન પર હતો. 49 મી ટેસ્ટમાં ટીમ ઇન્ડિયાની કેપ્ટન્સી કરનાર સૌરભ ગાંગુલી (2000-2005 ) હવે ત્રીજા સ્થાન પર આવી ગયો. એમ.એસ.ધોની (2008-2014) ના 60 ટેસ્ટ મેચમાં ટીમ ઇન્ડિયાની કેપ્ટન્સી કરી અને આજે સૌથી વધારે ટેસ્ટમાં કેપ્ટન્સી કરનારી કેપ્ટન છે.