હવે શું થશે? / વિરાટ કોહલી માટે વધુ એક ખરાબ સમાચાર, T20 રેન્કિંગમાં લાગ્યો ઝટકો, રાહુલે કરી કમાલ

• ICCએ ટી-20 રેન્કિંગ જાહેર કર્યુ
• ભારતીય કેપ્ટન વિરાટ કોહલીને 4 પોઈન્ટનું થયુ નુકસાન
• કેએલ રાહુલને ત્રણ પોઈન્ટનો થયો ફાયદો

વિરાટનું કંગાળ બેટીંગ પ્રદર્શન પણ જવાબદાર

યુએઈ અને ઓમાનમાં ચાલી રહેલા ટી-20 વર્લ્ડ કપમાં ભારતની સફર સુપર 12 તબક્કામાં જ પૂર્ણ થયો હતો. અહીં રમાયેલી 5 મેચોમાં રાહુલે ભારતીય ટીમ તરફથી સૌથી વધુ 194 રન બનાવ્યાં હતા. જ્યારે વિરાટે માત્ર 68 રન બનાવ્યાં. જોકે, આ વખતે વિરાટનું કંગાળ બેટીંગ પ્રદર્શન પણ જવાબદાર છે.

વિરાટે પાકિસ્તાન અને ન્યુઝીલેન્ડ સામે સારા રન બનાવ્યાં

વિરાટને ફક્ત પાકિસ્તાન અને ન્યુઝીલેન્ડ સામે સારી રીતે બેટીંગ કરવાની તક મળી. જેમાં વિરાટે પાકિસ્તાન સામે 57 અને ન્યુઝીલેન્ડ સામે 9 રન બનાવ્યાં હતા. આ સિવાય સ્કોટલેન્ડ સામે તેમણે અણનમ 2 રન બનાવ્યાં. આ ટી-20 વર્લ્ડ કપમાં વિરાટની સરેરાશ 33ની રહી. આઈસીસીએ તાજેતરનુ ટી-20 રેન્કિંગ જાહેર કર્યુ છે, જેમાં પાકિસ્તાનના કેપ્ટન બાબર આઝમ પહેલાની જેમ પ્રથમ ક્રમાંકે છે. આ રેન્કિંગમાં દક્ષિણ આફ્રિકાના એડેન માર્કરમે પણ ત્રણ પોઝીશનનો ફેરફાર કર્યો છે અને તેઓ ત્રીજા નંબરે છે.

 

 

 

 

View this post on Instagram

 

 

 

 

 

 

 

 

 

 

 

A post shared by ICC (@icc)

બોલરની યાદીમાં ભારતીય ખેલાડીઓ બાકાત

જો બોલરની વાત કરીએ તો વાનિંદુ હસરંગા પહેલાની જેમ ત્રીજા નંબરે છે. અહીં ઓસ્ટ્રેલિયાના એડમ જામ્પા અને જોસ હેજલવુડે લાંબી છલાંગ મારી છે. અહીં જામ્પાને એક સ્થાનનો ફાયદો થયો છે અને પાંચમા ક્રમાંકે પહોંચી ગયા છે. તો હેજલવુડ 11 સ્થાનની છલાંગ સાથે 8મા ક્રમાંકે પહોંચી ગયા છે. ટોપ 10 ખેલાડીઓની આ યાદીમાં એક પણ ભારતીય ખેલાડીના નામનો સમાવેશ થયો નથી. જ્યારે સૌથી વધુ ત્રણ કાંગારૂ બોલર સામેલ છે.