ક્રિકેટ / વિરાટના ફોટોમાં ના જોવા મળ્યો રોહિત, ફેન્સે ઊઠાવ્યા સવાલો

વિરાટ કોહલીએ ભલે રોહિત શર્માની સાથે ચાલી રહેલા કથિત મનમેળ પર સ્પષ્ટતા કરી હોય. પરંતપ ક્રિકેટપ્રેમીઓને હજુ પણ કંઇક ગોટાળો લાગી રહ્યો છે. વેસ્ટ ઇન્ડિઝ રવાના થતા પહેલા કેપ્ટન વિરાટ કોહલીએ ટીમના કેટલાક સાથી ખેલાડીઓની સાથે સોશિયલ મીડિયા પર એક ફોટો શેર કર્યો છે. આ ફોટામાં રોહિત શર્મા નજરે આવી રહ્યો નથી. જેના કારણે આ ફોટો પર પ્રશંસકોએ ઘણા પ્રકારના પ્રશ્નો ઊભા કર્યા છે. 

Miami bound 😎💪🇮🇳 pic.twitter.com/ywIh0ePTuZ

— Virat Kohli (@imVkohli) July 29, 2019

સોશિયલ મીડિયા પર ફોટો શેર કરતા વિરાટે લખ્યું છે- Miami bound... એટલે કે કેઓ મિયામી થઇને વેસ્ટ ઇન્ડઝ પહોંચશે. આ ફોટામાં વિરાટની સાથે કેએલ રાહુલ સહિત 5 ખેલાડીઓ પણ ડોવા મળી રહ્યા છે, પરંતુ વાઇસ કેપ્ટન રોહિત શર્મા ફોટામાં નથી. સોશિયલ મીડિયા પર લોકો એને શોધી રહ્યા છે. 

એક યૂઝરે લખ્યું, 'ક્યાં છે રોહિત શું એ કેપ્ટન બનવા માટે કોઇ ખૂણામાં વિચારી રહ્યો છે.'

તો બીજી બાજુ શિખર ધવને ટ્વિટર પર એક ફોટો શેર કર્યો છે, જ્યાં એ રોહિત શર્માની સાથે નજરે આવી રહ્યો છે. 

All set for West Indies with my partner - The Hit-man! 😎 @ImRo45 pic.twitter.com/2ypHn8WNVR

— Shikhar Dhawan (@SDhawan25) July 29, 2019

વિરાટ કોહલીએ સોમવારે કરેલી પ્રેસ કોન્ફ્રેન્સમાં રોહિત શર્માની સાથે કથિત અણબનના સમાચારો પર પહેલી વખત પ્રતિક્રિયા આપી. કેપ્ટન કોહલીએ સ્પષ્ટ કરી દીધું છે કે ટીમ ઇન્ડિયામાં એવો કોઇ માહોલ નથી. જો ટીમમાં આવું કંઇ હોત તો જે રીતે આશા ટીમ ઇન્ડિયા પાસેથી રાખવામાં આવી રહી છે એ ના હોતી. ટીમનો માહોલ એકદમ યોગ્ય છે. કોહલીને જ્યારે આ માટે ફરીથી પૂછવામાં આવ્યું તો એમને પત્રકારોને ડ્રેસિંગ રૂમમાં આવવા માટે કહી દીધું, વિરાટે કહ્યું કે તે વીડિયો બનાવીને ના દેખાડી શકે કે ડ્રેસિંગ રૂમમાં શું થાય છે પરંતુ તમારે આવીને જોવું જોઇએ કે ત્યાં કેવો માહોલ છે. 

એમે કહ્યું, 'મેં પણ આ પ્રકારની અફવાઓ સાંભળી છે. જો ડ્રેસિંહ રૂમનો માહોલ સારો ના હોત તો અમે છેલ્લા કેટલાક વર્ષથી સતત સારું રમી રહ્યા ના હોત. '