ભારતીય ક્રિકેટ ટીમના કેપ્ટન વિરાટ કોહલી અને પત્ની અનુષ્કા શર્મા સોશિયલ મીડિયામાં ખુબ લોકપ્રિય જોડી છે. તે બંને સોશિયલ મીડિયામાં ઘણીવાર એકબીજા માટે પોસ્ટ મૂકતાં હોય છે. બાંગ્લાદેશ સામેની મેચ પહેલાં પણ જ્યારે તેઓ ભૂટાન પ્રવાસ પર હતાં ત્યારે સોશિયલ મીડિયામાં છવાઈ ગયા હતા. હાલમાં જ કેપ્ટન કોહલીએ પત્ની અનુષ્કા સાથેની તસવીર સોશિયલ મીડિયામાં મૂકી છે.
ભારતે બાંગ્લાદેશને 2-0 થી હરાવ્યું
વિરાટ કોહલી ક્યાં રજા માની રહ્યાં છે તેની જાણકારી ન આપી
સોશિયલ મીડિયામાં વાયરલ તસવીર
બાંગ્લાદેશ સામેની ટેસ્ટ સીરીઝમાં ક્લીન સ્વીપ કર્યા બાદ ભારતીય ક્રિકેટ ટીમના કેપ્ટન વિરાટ કોહલી પત્ની અનુષ્કા સાથે વેકેશન મનાવી રહ્યાં છે. વિરાટ કોહલી ઘણીવાર પત્ની સાથેની તસવીર સોશિયલ મીડિયામાં મુકતા હોય છે, કેપ્ટન કોહલીએ અનુષ્કા માટે ખુબ રોમેંટિક સંદેશ સાથે એક ફોટો સોશિયલ મીડિયામાં શેર કર્યો છે.
જોકે વિરાટ કોહલી ક્યાં વેકેશન મનાવી રહ્યા છે તેની કોઈ જાણકારી આપી નથી. કોહલીએ અનુષ્કા શર્માને ટેગ કરીને ફોટો મુક્યો જેમાં સંદેશ લખ્યું 'પ્યારની સાથે જીવનના સફરમાં સાથે સાથે ચાલવું'
પહેલાં પણ ભૂટાનની તસવીરો ખુબ વાયરલ થઇ હતી
ઉલ્લેખનીય છે કે ભારતે હાલમાં પ્રથમ વખત પિંક બોલ ટેસ્ટ રમી જેમાં ડે-નાઈટ મેચમાં બાંગ્લાદેશ સામે 2-0થી જીત હાંસલ કરી. ભારતે બંને મેચ એક ઇનિંગથી જીતી છે. બાંગ્લાદેશ સામે મેચ રમાય તે પહેલાં પણ કેપ્ટન કોહલી રજા પર ગયા હતા, જ્યાં વિરાટ અને અનુષ્કાનાં ભૂટાન પ્રવાસની તસવીરો સોશિયલ મીડિયામાં ખુબ વાયરલ થઇ હતી.
When you get a chance to come close to the beauty of nature, thoughts cease and you become one with the moment and merge with the divine energy. So grateful ❤️😇 pic.twitter.com/D9x6gzDFfj