ભારતીય ક્રિકેટર વિરાટ કોહલીએ અનુષ્કા શર્મા સાથેનો રોમેન્ટિક ફોટો સોશિયલ મીડિયા પર શેર કર્યો છે. બેકગ્રાઉન્ડમાં સૂર્યાસ્ત થઈ રહ્યો છે અને બંને સ્વીમિંગ પૂલમાં રોમેન્ટિક પોઝ આપતા જોવા મળી રહ્યાં છે. તમને જણાવી દઈએ કે અનુષ્કા શર્માએ હાલમાં જ પ્રેગ્નેન્સીની જાણકારી આપી છે. અનુષ્કા અત્યારે તેનો પ્રેગ્નેન્સી પીરિયડ એન્જોય કરી રહી છે. જે બેબી બંપ સાથે પણ તેની તસવીરો શેર કરી રહે છે.
વિરાટ કોહલીએ અનુષ્કા શર્મા સાથેનો રોમેન્ટિક ફોટો શેર કર્યો
સોશિયલ મીડિયા પર બંનેનો ફોટો થયો વાયરલ
થોડા દિવસો પહેલાં વિરાટને પૂછવામાં આવ્યું હતું કે જાન્યુઆરીમાં તમારા ઘરે નવો મહેમાન આવશે, તો તમને કેવું લાગી રહ્યું છે? આ સવાલનો જવાબ આપતી વખતે વિરાટે કહ્યું હતું કે, તેને આ વાતની જાણ થઈ ત્યારથી તે ખૂબ જ ખુશ છે. તેણે કહ્યું હતું કે, આ એક અવિશ્વસનીય લાગણી છે. આપણે કેવું અનુભવી રહ્યાં છીએ તેને શબ્દોમાં વ્યક્ત કરવું મુશ્કેલ છે.
અનુષ્કાની વાત કરીએ તો એ છેલ્લે ફિલ્મ ઝીરોમાં શાહરૂખ ખાન સાથે જોવા મળી હતી. ફિલ્મમાં કેટરીના કૈફ પણ હતી. જોકે, આ ફિલ્મ બોક્સઓફિસ પર ફ્લોપ ગઈ હતી. આ ફિલ્મ બાદ અનુષ્કાએ અત્યાર સુધી કોઈ ફિલ્મ સાઈન કરી નથી. જોકે, એવા પણ સમાચાર છે કે, બેબી આવ્યા બાદ તે નવા પ્રોજેક્ટ્સ સાઈન કરશે.