IPLIN
 

ભારત-લંકા અંતિમ વનડે / કોહલી આવ્યો તેના ઓરિજનલ રંગમાં, શ્રીલંકા સામે ફરી ફટકારી સદી, 46મી વનડે સદી

Team VTV 05:15 PM, 15 Jan 23 | Updated: 07:55 PM, 15 Jan 23
Follow us
Virat Kohli scores his 74th international hundred, 46th in ODIs IND v sSL

ટીમ ઈન્ડિયાના પૂર્વ કેપ્ટન વિરાટ કોહલી આજકાલ કંઈ અલગ જ ફોર્મમાં છે. કોહલીએ રવિવારે શ્રીલંકા સામેની અંતિમ વનડેમા સદી ફટકારી હતી.

  • વિરાટ કોહલી આજકાલ વિસ્ફોટક ફોર્મમાં 
  • શ્રીલંકા સામે ત્રીજી વનડેમાં ફટકારી સદી
  • વનડે કરિયરમાં 46મી સદી
  • શ્રીલંકા સીરિઝમાં કોહલીની બીજી સદી

વિરાટ કોહલી ફરી એકવાર પોતાના જૂના રંગમાં દેખાવા લાગ્યો છે અને સતત પોતાના બેટથી સદી ફટકારી રહ્યો છે. કોહલીએ પોતાનું વિસ્ફોટક ફોર્મ જારી રાખતાં રવિવારે શ્રીલંકા સામેની ત્રીજી વન-ડેમાં સદી ફટકારી છે. 10 ચોગ્ગા અને એક છગ્ગા સાથે 85 બોલમાં સદી ફટકારતાં જ કોહલીની ઈન્ટરનેશનલ કરિયરમાં 46 સદી પૂરી થઈ છે તો કોહલીની કરિયરની 74મી સદી થઈ છે. 

166 રન કર્યાં કોહલીએ
કેરળના થીરુવનંતપુરમના ગ્રીનફિલ્ડ સ્ટેડિયમમાં રમાયેલી ત્રીજી વનડેમાં વિરાટ કોહલીએ 85 બોલમા સદી કરી નાખી હતી પરંતુ તેણે કુલ 166 રન ફટકાર્યાં હતા અને તેને કારણે જ ભારત લંકાને પહાડ જેટલો મોટો સ્કોર આપી શક્યું હતું. 

વન-ડે ક્રિકેટમાં સૌથી વધુ સદી
• સચિન તેંડુલકર - 463 મેચ, 49 સદી
• વિરાટ કોહલી - 268 મેચ, 46 સદી
• રિકી પોન્ટિંગ - 375 મેચ, 30 સદી
• રોહિત શર્મા - 238 મેચ, 29 સદી
• સનથ જયસૂર્યા - 445 મેચ, 28 સદી

વન-ડેમાં ભારત માટે સૌથી વધુ સદી
• સચિન તેંડુલકર - 463 મેચ, 49 સદી
• વિરાટ કોહલી - 268 મેચ, 46 સદી
• રોહિત શર્મા - 238 મેચ, 29 સદી

આંતરરાષ્ટ્રીય ક્રિકેટમાં સૌથી વધુ સદી
• સચિન તેંડુલકર - 664 મેચ, 100 સદી
• વિરાટ કોહલી - 486 મેચ, 74 સદી
• રિકી પોન્ટિંગ - 560 મેચ, 71 સદી

વન ડે ક્રિકેટમાં સૌથી વધુ રન બનાવનાર પાંચમો ખેલાડી 
સદી સાથે વિરાટ કોહલીએ એક મોટો રેકોર્ડ પણ પોતાના નામે કરી લીધો છે. હવે તે વન ડે ક્રિકેટમાં સૌથી વધુ રન બનાવવાના મામલે પાંચમાં નંબરે પહોંચી ગયો છે. વિરાટ કોહલીએ પોતાની શતકીય ઇનિંગમાં મહેલા જયવર્ધનેનો રેકોર્ડ તોડ્યો છે.

વન-ડે ક્રિકેટમાં સૌથી વધુ રન (ટોપ-5)

1. સચિન તેંડુલકર - 463 મેચ, 18426 રન
2. કુમાર સંગાકારા – 404 મેચ, 14234 રન
3. રિકી પોન્ટિંગ - 375 મેચ, 13704 રન
4. સનથ જયસૂર્યા - 445 મેચ, 13430 રન
6.વિરાટ કોહલી - 268 મેચ, 12702 રન *

શુભમન ગીલે પણ ફટકારી સદી
શ્રીલંકા સામેની અંતિમ અને ત્રીજી વનડેમાં કોહલીની ઉપરાંત 23 વર્ષીય યુવા ક્રિકેટર શુભમન ગીલે પણ સદી ફટકારી હતી, 116 રન બનાવીને ગીલ આઉટ થયો હતો. ભારતે ત્રીજી વનડેમાં પહાડ જેટલો મોટો સ્કોર બનાવ્યો હતો અને લંકા માટે જીતવું લોઢાના ચણા ચાવવા બરાબર છે. ભારત લંકાનો વ્હાઈટ વોશ કરે તે નક્કી લાગે છે. અગાઉની બે વનડે પણ ભારતે જીતી લીધેલી છે. 

Virat Kohli IND v SL ODI Virat Kohli Century વિરાટ કોહલી વિરાટ કોહલી સદી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ