વિરાટ કોહલીએ કહ્યું કે તેમની બેટિંગમાં કોઈ તકલીફ નથી. તેમનો એશિયા કપ માટે પ્રેક્ટિસનો વીડિયો સોશિયલ મીડિયા પર વાયરલ થઈ રહ્યો છે.
વિરાટે કહ્યું મારી બેટિંગમાં કોઈ તકલીફ નથી
'આ સમયમાંથી પણ બહાર નિકળીશ' - વિરાટ
એશિયા કપ માટે વિરાટની પ્રેક્ટિસનો વીડિયો વાયરલ
વિરાટે કહ્યું મારી બેટિંગમાં કોઈ તકલીફ નથી
ભારતનાં પૂર્વ કપ્તાન વિરાટ કોહલી ગયા થોડા સમયથી ખરાબ ફોર્મથી પસાર થઈ રહ્યા છે. આ માટે તેમની નિંદા પણ થઈ રહી છે. કોહલીએ નવેમ્બર 2019 બાદથી આંતરરાષ્ટ્રીય ક્રિકેટમાં સદી ફટકારી નથી. તેઓ ઈંગ્લેન્ડ સામે ગયા મહિને થયેલ સીરિઝ બાદ બ્રેક પર ચાલ્યા ગયા હતા. હવે વિરાટે ટીમ ઈન્ડિયામાં વાપસી કરી છે. તેઓ એશિયા કપમાં રન બનાવવાની તૈયારીમાં છે. કોહલીએ ટૂર્નામેન્ટ પહેલા પોતાના ફોર્મને લઈને કહ્યું હતું કે તેમની બેટિંગમાં કોઈ પરેશાની નથી. તેમને એ વાતનો ભરોસો છે કે જલસી જ તેઓ ખરાબ સમયમાંથી બહાર નીકળી જશે.
વિરાટે એશિયા કપના બ્રોડકાસ્ટર સ્ટાર સ્પોર્ટ્સનાં કાર્યક્રમ 'ગેમ પ્લાન'માં કહ્યું કે ઈંગ્લેન્ડમાં જે થયું, તે એક પ્રકારની પેટર્ન હતી. તે એમ હતું કે જેનાં પર હું કામ કરી શકતો હતો અને તેને દૂર પણ કરી શકતો હતો. હવે એવું કંઇ જ નથી જેથી તમે કહી શકો કે અહીં સમસ્યા થઈ રહી છે. મને બેટિંગમાં કોઈ તકલીફ આવી નથી રહી. મને એવું લાગે છે કે લે પછી આવી ગઈ છે તો મને તેનાથી ખ્યાલ આવે છે કે હું સારી બેટિંગ કરી રહ્યો છું.
'આ સમયમાંથી પણ પસાર થઈશ' - કોહલી
કોહલીએ આગળ કહ્યું કે મને એ ખબર છે કે હું શું કરી રહ્યો છું. જો તમે કપરી પરિસ્થિતિઓ અને અલગ અલગ બોલિંગનાં મુકાબલા કરવા માટે તૈયાર ન રહો, તો આંતરરાષ્ટ્રીય ક્રિકેટમાં આટલે દૂર સુધી ન આવી શકો. મારા માટે આ પ્રક્રિયા સરળ છે, પણ હું પાછળ હટવા માંગતો નથી. હું તેમાંથી શીખવા માંગુ છું અને એ સમજવાનો પ્રયાસ કરું છું કે એક ખેલાડી અને વ્યક્તિનાં રૂપમાં મારા માટે મૂળ મૂલ્ય શું છે. મને એ ખ્યાલ છે કે ઉતાર-ચઢાવ આવશે. હું આ સમયમાંથી પણ બહાર આવી જઈશ. મારા માટે અનુભવ ખાસ છે.
વીડિયો થયો સોશિયલ મીડિયા પર વાયરલ
એશિયા કપ માટે દુબઈ પહોંચ્યા બાદ કોહલીએ સ્પિન બોલર્સ સામે અભ્યાસ શરૂ કરી દીધો છે. નેટસમાં કોહલી લાંબી લાંબી સિક્સર લગાવી રહ્યા છે. આ વીડિયોને જોઈને વિરાટના ફેન્સ કહી રહ્યા છે કે હવે કિંગ કોહલી લેમાં પાછા આવી ચૂક્યા છે અને પાકિસ્તાન સામે તેઓ કમાલ કરી બતાવશે.