ક્રિકેટ / એક મેચમાં રન લેવા માટે કેટલા કિમી દોડે છે વિરાટ કોહલી? આંકડો જાણી ચોંકી જશો

• એક સારી ઇનિંગમાં 17 કિમી દોડે છે વિરાટ કોહલી 
• જીપીએસ ટ્રેકિંગ સીસ્ટમની મદદથી બધા જ ખેલાડીઓ પર નજર રાખવામાં આવે છે
• ટીમ ઈન્ડિયાના સિલેક્ટર એમએસકે પ્રસાદે આપી માહિતી 

ફિટનેસમાં કોહલીનો જવાબ નહીં

ક્રિકેટ ખુબ મહેનત માંગી લે તેવી રમત છે. ભારતના કેપ્ટન વિરાટ કોહલી પોતાની ફિટનેસને લઈને ખુબ સતર્ક રહે છે. ક્રિકેટ મેચ દરમિયાન જયારે વિરાટ કોહલી ઉતરે છે ત્યારે તે ખુબ બધા સિંગલ રન દોડે છે. એક મેચમાં ખેલાડી કેટલું દોડે છે તેનો ડેટા પણ રાખવામાં આવે છે. 

17 કિમી દોડે છે કોહલી 

એક ચેનલ સાથે વાતચીતમાં ટીમ ઈન્ડિયાના સિલેક્ટર એમએસકે પ્રસાદે જણાવ્યું કે 'સારી ઇનિંગમાં કેપ્ટન કોહલી પીચ પર 17 કિમી દોડે છે.' જીપીએસ ટ્રેકિંગની શોધ કરનાર શંકર બાસુને યાદ કરતા તેમણે કહ્યું કે 'દુનિયાની ઘણી બધી ટીમ આ કરે છે અને જેમણે આ સીસ્ટમની શોધ કરી તે શંકર બાસુ એક અભૂતપૂર્વ ટ્રેનર હતા.'

દુનિયાની ઘણી ટીમ અપનાવે છે આ પદ્ધતિ

શંકર બાસુએ શોધેલી જીપીએસ ટ્રેકિંગ સીસ્ટમની મદદથી આ માહિતીઓ મેળવવામાં આવે છે. ટીમ ઈન્ડિયાના સિલેક્ટરે આપેલ માહિતીઓ મુજબ દુનિયાની ઘણી બધી ટીમ આ પ્રકારની માહિતી રાખે છે. 

ભારતમાં પણ બધા ખેલાડીની આ મહિતી રાખવામાં આવે છે. એમએસકે પ્રસાદના જણાવ્યા અનુસાર બીસીસીઆઈની કોન્ટ્રેક્ટ લીસ્ટમાં આવતા બધા જ ખેલાડીઓનું નિરીક્ષણ કરવામાં આવે છે.