ક્રિકેટ / કોહલી-પંતની જાહેરાતની આ ક્રિકેટરે ઊડાવી મજાક, કહ્યું કે...

તાજેતરમાં વેલનેસ ફર્મ હિમાલયા ડ્રગ કંપનીએ ટીમ ઇન્ડિયાના કેપ્ટન વિરાટ કોહલી અને વિકેટકિપર બેટ્સમેન રિષભ પંતને પોતાનો સત્તાવાર બ્રાન્ડ એમ્બેસેડર બનાવ્યો છે. આ એડનો વીડિયો પણ સોશિયલ મીડિયા પર વાયરલ થયો જેમાં કોહલી અને પંત આ બ્રાન્ડનું પ્રમોશન કરી રહ્યો છે. 

ત્યારબાદ ઇંગ્લેન્ડના ફાસ્ટ બોલર સ્ટુઅર્ટ બ્રૉડએ વિરાટ કોહલી અને રિષભ પંતની જાહેરાતની મજાક ઊડાવી છે. સ્ટુઅર્ટ બ્રૉડ કોહલી અને પંતની આ જાહેરાતથી પ્રભાવિત ના થયો. 

Watch me and @RishabPant777 team up with @HimalayaMEN to take care of the one problem that keeps coming back. PIMPLES! #HimalayaMenPimplesGottaGo #LookingGoodAndLovingIt #VIRATxRISHABH pic.twitter.com/Pj4qetiOX1

— Virat Kohli (@imVkohli) May 16, 2019

બ્રૉડએ ટ્વિટ કરતાં લખ્યું, 'હું સાચું માનું છું કે જોસ બટલર અને બેન સ્ટોક્સ આ બ્રાન્ડ માટે સારા એમ્બેસેડર હોત. મહેરબાની કરીને @Phoenixmg3 સાથે સંપર્ક કરો.'

બ્રૉડને લાગે છે કે જોસ બટલર અને બેન સ્ટોક્સ વિરાટ કોહલી અને રિષભ પંત કરતા સારું કામ કરશે. 

તમને જણાવી દઇએ કે કોહલીએ આ કરાર માટે કહ્યું, 'હું ટીમ હિમાલયાનો હિસ્સો બનીને ખૂબ ખુશ છું. હું લાંબા સમયથી હિમાલયાના ઉત્પાદો સાથે જોડાયેલો છું. ' પંતે કહ્યું, 'હિમાલયા છેલ્લા 88 વર્ષથી લોકોને ખુશ અને સ્વસ્થ રાખવામાં પ્રયત્નરત છે. એનો બ્રાન્ડ એમ્બેસેડર બનીને મને ખુશી થઇ રહી છે. '

 
જણાવી દઇએ કે 12મીં ICC ક્રિકેટ વર્લ્ડ કપ 30 મે 2019 થી 14 જુલાઇ 2019 સુધી ઇંગ્લેન્ડ અને વેલ્સની મેજબાનીમાં રમાશે. ટૂર્નામેન્ટમાં 10 ટીમો ભાગ લેશે. કુલ 48 મેચ રમાશે.