VIDEO / નસીબ સામે 'વામન' થઈ ગયો વિરાટ! હતાશ નજરે અદ્ધર જોઈ ભગવાનને પણ પૂછ્યો સવાલ

• IPLની હાલની સિઝનમાં વિરાટ કોહલીનું નિરાશાજનક પ્રદર્શન યથાવત
• પંજાબ કિંગ્સ સામેની મેચમાં વિરાટ કોહલી 20 રન બનાવી આઉટ થયો
• કોહલીએ આકાશ તરફ જોઈ ગુસ્સો કરી ઠાલવી વેદના

ડ્રેસિંગ રૂમમાં જતી વખતે કોહલીના ચહેરા પર નિરાશા દેખાઈ

જો કે, કોહલીએ તેની શાનદાર ઈનિંગનો આગાજ કર્યો અને ફ્લિક શૉટ અને કવર ડ્રાઈવની મદદથી ચોગ્ગો ફટકાર્યો. એટલું જ નહીં, વિરાટે પગલાનો ઉપયોગ કરીને લોન્ગ ઑફની દિશામાં એક શાનદાર છગ્ગો ફટકાર્યો. પ્રશંસકોને આશા હતી કે વિરાટ મોટો સ્કોર બનાવી રહ્યો છે. પરંતુ નસીબને કઈક અલગ મંજૂર હતુ. આરસીબીની ઈનિંગની ચોથી ઓવરમાં રબાડાના બીજા બોલમાં કોહલીએ ફટકારેલો શોટ ફાઈન લેગ પર ઉભા રહેલ ફિલ્ડરે કેચ પકડી લીધો. જો કે, મેદાનમાં રહેલા એમ્પાયરે કોહલીને આઉટ નહોતો આપ્યો. ત્યારબાદ પંજાબે ડીઆરએસનો સહારો લીધો હતો. પેવેલિયન ફરતી વખતે વિરાટ આકાશ તરફ જોઈ ગુસ્સો કરીને કઈક કહી રહ્યો હતો. ડ્રેસિંગ રૂમમાં પાછા ફરતી વખતે પણ વિરાટના ચહેરા પર સ્પષ્ટ નિરાશા દેખાતી હતી. 

Never seen him like this 🥺💔 @imVkohli pic.twitter.com/cikv9lFZnH

— Hemanth Teju (@HemanthTeju17) May 13, 2022

કોહલીએ 19.67ની એવરેજથી 236 રન બનાવ્યાં

આઈપીએલ 2022માં વિરાટ કોહલીએ અત્યાર સુધી 13 મેચમાં 19.67ની એવરેજથી 236 રન બનાવ્યાં છે. આ દરમ્યાન તેનો સ્ટ્રાઈક રેટ 113.46 અને બેસ્ટ સ્કોર 58 છે. કોહલીએ આઈપીએલની હાલની સિઝનમાં અત્યાર સુધી 22 ચોગ્ગા અને પાંચ છગ્ગા ફટકાર્યા છે. નિરાશાજનક વાત એ છે કે કોહલી આઈપીએલ 2022માં અત્યાર સુધી ત્રણ વખત ગોલ્ડન ડકનો શિકાર થઇ ગયા છે.