ટીમ ઇન્ડિયા આજે સાઉથ આફ્રિકા વિરુદ્ઘ ધર્મશાલામાં પહેલી T-20 મેચ રમશે, ત્યારે ટીમ ઇન્ડિયાની જર્સી પર Oppo ની જગ્યાએ ભારતીય કંપની બાયજૂસ (Byju’s)નું નામ લખેલું જોવા મળશે.
Oppo એ ટાઇટલ સ્પૉન્સરના અધિકાર બાયજૂસ (Byju’s) વેચી દીધા
ટીમ ઇન્ડિયા ની જર્સી પર હવે બાયજૂસ (Byju’s) લખ્યુ હશે
Oppo એ ટાઇટલ સ્પૉન્સરના અધિકાર ભારતીય એજ્યુકેશન સેક્ટરથી જોડાયેલી કંપની બાયજૂસ (Byju’s) વેચી દેવામાં આવ્યા છે. ધર્મશાલામાં ટીમ ઇન્ડિયાએ કેપ્ટન વિરાટ કોહલી, વાઇસ કેપ્ટન રોહિત શર્મા અને હેડ કોચ રવિ શાસ્ત્રીએ નવી જર્સીને લોન્ચ કરી.
સાઉથ આફ્રિકાની વિરુદ્ઘ પહેલી T-20 મેચમાં મેજબાન ટીમ ઇન્ડિયા નવા સ્પૉન્સર બાયજૂસ (Byju’s)ની જર્સીમાં ઉતરશે. શનિવારે જ્યારે વિરાટ કોહલી પ્રેસ કોન્ફરન્સ માટે આવ્યો તો, તેની જર્સી પર બાયજૂસ (Byju’s) લખ્યુ હતુ. ઉલ્લેખનીય છે કે Oppoએ ટીમ ઇન્ડિયાના સ્પૉન્સરના રૂપમાં 5 વર્ષનો કોન્ટ્રાક્ટ કર્યો હતો, પરંતુ આ અધવચ્ચેથી પોતાનો કોન્ટ્રાક્ટ બાયજૂસ (Byju’s) ને ટ્રાન્સફર કરી દીધો.
2017માં Oppoએ ટીમ ઇન્ડિયાની જર્સી પર ટાઇટલ સ્પોન્સર માટે રાઇટ્સ 1079 કરોડમાં ખરીદ્યા હતા. રિપોર્ટ્સ અનુસાર, Oppoએ આ ડીલ બહુ મોંઘી પડી રહી હતી. કહેવામાં આવી રહ્યુ છે કે, તેને જરૂર કરતા વધુ પૈસા ખર્ચી દીધી હતી. હવે આ ડીલમાં BCCIને એટલી જ રકમ મળશે જેટલી Oppo કંપની આપી રહી હતી. આમાં તેને કોઇ નુકસાન નથી. આ ડીલ 31 માર્ચ 2022 સુધી ચાલશે.
Oppo એ દરેક દ્ઘિપક્ષીય સીરિઝની દરેક મેચ માટે BCCIને 4.6 કરોડ રૂપિયા આપતી હતી. ICC અને એશિયા કપની મેચો માટે કંપનીને દર મેચ દીઠ 1.92 કરોડ રૂપિયા ચૂકવવા પડ્યા હતા. હવે રૂપિયા બાયજૂસ (Byju’s) આપશે.
આ પહેલા સ્ટાર ઇન્ડિયા જર્સી પર નામ માટે BCCIને દ્ઘિપક્ષીય મેચ માટે 1.92 કરોડ રૂપિયા આપતી હતી. જ્યારે ICC અને એશિયા કપની મેચો માટે તે ફક્ત 61 લાખ રૂપિયા ચૂકવતી હતી. જોકે Oppo એ ભારેખમ રકમ આપીને સ્પોન્સરશિપ મેળવી હતી.
જણાવી દઇએ કે, Byju’s એજ્યુકેશન સેક્ટરની કંપની છે. તે ઑનલાઈન એજ્યુકેશન અને કોચિંગ ઉપરાંત ટ્યૂશન આપે છે. છેલ્લા થોડા સમયમાં તેની લોકપ્રિયતા ઘણી વધી છે. Byju’s રવિન્દ્રનની કંપની છે. આ જ વર્ષે અમેરિકાની કંપની OSMOને ખરીદી હતી.