આક્રોશ / જબરી બબાલ! લાઈવ મેચમા અમ્પાયર સાથે બાખડી પડ્યો વિરાટ, માંડ માંડ શરૂ થઈ મેચ

• સેન્ચ્યુરિયન ટેસ્ટમાં વિરાટ કોહલી અને એમ્પાયર વચ્ચે ચર્ચા જોવા મળી
• વિરાટ કોહલી અને ટીમની એમ્પાયર સાથે નવા બોલ મુદ્દે થઇ હતી ચર્ચા
• ચર્ચા બાદ એમ્પાયરે નવા બોલનું બોક્ષ મંગાવ્યું અને બોલ પસંદ કરાયો

કોહલી અને એમ્પાયર વચ્ચે ચર્ચા થઈ

ખરેખર, મેચમાં દક્ષિણ આફ્રિકા ટીમના ઓપનર બીજી ઈનિંગની શરૂઆત કરવા મેદાન પર આવી ગયા હતા. ભારતીય ટીમે ફિલ્ડિંગ પણ જમાવી દીધી હતી ત્યારે કોહલીએ રમતને અટકાવી દીધી હતી અને કહ્યું કે તેમને જે બોલ આપવામાં આવ્યો છે, તે જૂનો છે. કોહલીએ આ દરમ્યાન કહ્યું કે તેમને બોલ પસંદ કરવાની તક આપવામાં ના આવી. આ આખી ચર્ચામાં લગભગ 10 મિનિટનો સમય ગયો.

અને પછી ભારતીય ટીમે બોલ પસંદ કર્યો 

ત્યારબાદ એમ્પાયરે નવા બોલનું બોક્ષ મંગાવ્યુ અને ભારતીય ટીમને બોલ પસંદ કરવા માટે જણાવ્યું. આ દરમ્યાન કોહલીની સાથે સ્પિનર રવિચંદ્રન અશ્વિન, મોહમ્મદ શમી જોવા મળ્યાં. કોહલી અને અશ્વિને દરેક બોલની ગ્રિપ અને સીમને ચેક કરી. તેમાંથી અશ્વિનને એક બોલ પસંદ આવ્યો અને પછી મેચ શરૂ થઇ ગઇ. 

ગાવસ્કરે મનપસંદ બોલ પસંદ કરવાનું કારણ જણાવ્યું 

આ દરમ્યાન ભારતીય દિગ્ગજ સુનીલ ગાવસ્કર કોમેન્ટ્રી કરી રહ્યાં હતા. તેમણે જણાવ્યું કે દરેક બોલનો આકાર, રંગ અને વજન અત્યંત મહત્વપૂર્ણ હોય છે. દરેક બોલમાં ઘણો ફરક હોય છે. આ જ કારણ છે કે ભારતીય ટીમ મનપસંદ બોલ લેવા માગતી હતી. ગાવસ્કરે જણાવ્યું કે અમારા સમયે કપિલ દેવ જ બોલની પસંદગી કરતા હતા.