વિરાટના પાકિસ્તાનમાં વખાણ કહ્યો- 'માઇલસ્ટોન મેન' અને 'કિંગ કોહલી'

નવી દિલ્હીઃ ભારતીય ક્રિકેટ ટીમના કેપ્ટન વિરાટ કોહલી પાકિસ્તાનના મીડિયામાં પણ છવાયા છે. આંતરરાષ્ટ્રીય મેચમાં 10 000 રન પૂર્ણ કરવા બદલ પાડોશી દેશમાં કોહલીની વાહ વાહી થઇ રહી છે. પાકિસ્તાનના સમાચારપત્રોમાં વિરાટ કોહલીના વખાણ કરવામાં આવ્યા છે.

પાકિસ્તાનના સમાચાર પત્ર ધ ડોનમાં વિરાટ કોહલીને માઇલસ્ટોન મેન કહેવામાં આવ્યો છે. તો પાકિસ્તાનના અન્ય એક સમાચાર પત્ર પાક ઓબ્ઝર્વરે વિરાટને 'કિંગ કોહલી' કહ્યો. આ સાથે જ સમાચાર પત્રમાં વિરાટ કોહલીએ આપેલા ઇન્ટરવ્યુંને પણ છાપવામાં આવ્યો. 205 ઇનિંગ્સ રમીને વિરાટ કોહલીએ 10 000 રન કર્યા છે. સચીન તેંડુલકરે વર્ષ 2001માં બનાવેલા રેકોર્ડને તોડી નાખ્યો.

મહત્વનું છે કે ભારતીય ક્રિકેટ ટીમના વિરાટ કોહલીએ સચીનનો રેકોર્ડ તોડ્યો છે. કોહલીએ પોતાના નામે બીજો એક રેકોર્ડ દાખલ કરી લીધો છે. કોહલી વનડે ઇન્ટરનેશનલમાં સૌથી ઓછી ઇનિંગ્સમાં 10 000 હજાર રન પૂરા કરનાર બેટ્સમેન બની ગયો છે. સચિનનો 17 વર્ષ જૂનો રેકોર્ડ તોડી નાંખ્યો છે.